Palghar Accident : पालघर-मनोर रस्त्यावर भीषण अपघात, भरधाव टेम्पोनं चिरडल्यानं 15 मेंढ्या जागीच ठार
पालघर-मनोर रस्त्यावर वाघोबा खिंडीत भीषण अपघात (Accident) झालाय. रस्त्याच्या कडेला जात असताना भरधाव टेम्पोनं मेंढ्यां(Sheep)ना चिरडलंय. या दुर्घटनेत 15 मेंढ्या जागीच ठार झाल्यात.
मोहम्मद हुसेन खान, टीव्ही9 मराठी, पालघर : पालघर-मनोर रस्त्यावर वाघोबा खिंडीत भीषण अपघात (Accident) झालाय. रस्त्याच्या कडेला जात असताना भरधाव टेम्पोनं मेंढ्यां(Sheep)ना चिरडलंय. या दुर्घटनेत 15 मेंढ्या जागीच ठार झाल्यात. तर 11 मेंढे गंभीर जखमी आहेत. दरम्यान, मनोरवरून पालघरकडे येणाऱ्या एका ट्रकच्या खाली 15 मेंढ्या चिरडल्यानंतर ट्रक जागेवर सोडून ट्रकचा चालक पळून गेला असून पालघर पोलीस त्याचा तपास करीत आहेत.
आधी एक मेंढी आली ट्रकखाली
अहमदनगर येथील एक मेंढपाळ आपल्या शेकडो मेंढ्या-बकऱ्या घेऊन एका गावातून दुसऱ्या गावात प्रवास करीत असतात. गुरुवारी दुपारी 1 वाजण्याच्या सुमारास हे मेंढपाळ आपल्या मेंढ्या घेऊन मनोरवरून पालघरकडे निघाले असताना वाघोबा खिंडीत आले असता रस्त्यावरून चालणाऱ्या मेंढ्याच्या कळपातली एक मेंढी ट्रकखाली आली.
थांबण्याऐवजी ट्रकचालक पळाला
यावेळी मेंढपाळांनी आरडाओरड केल्यावर घाबरून ट्रकचालक थांबण्याऐवजी ट्रक घेऊन पळून जायला लागला. त्यावेळी बिथरलेल्या मेंढ्या रस्त्यावर आल्यानं मोठा अपघात झाला. या अपघातात 15 मेंढ्या ट्रकखाली चिरडून ठार झाल्या तर अन्य 5 मेंढ्या जखमी झाल्याची घटना घडली.
ट्रक चालकावर गुन्हा
हा अपघात भीषण होता. मोठ्या प्रमाणात मेंढ्या मृत झाल्यानं घाबरून चालकानं घटनास्थळावरून पळ काढला असून ट्रक चालकावर गुन्हा दाखल करण्यात आला आहे.
