आमदार महेश लांडगेंच्या मुलीचं आळंदीत झटपट लग्न, गुन्हा दाखल झाल्यानंतर वधू-वराकडील मंडळींची धावपळ!
सर्व बडेजावपणा बाजूला ठेवून लांडगे यांनी आपल्या मुलीचं लग्न आज आळंदीत लावून टाकलं आहे. या विवाह सोहळ्याचे दोन फोटो समोर आले आहेत.
पिंपरी-चिंचवड : भाजपचे भोसरी विधानसभेचे आमदार आणि पिंपरी-चिंचवडचे शहराध्यक्ष महेश लांडगे यांच्यासह 60 जणांवर गुन्हा दाखल झाला आहे. मुलगी साक्षीच्या मांडव टहाळीच्या कार्यक्रमात कोरोना नियम पायदळी तुडवून झालेल्या नाचगाण्यामुळे लांडगे यांच्यावर गुन्हा दाखल करण्यात आलाय. त्यानंतर अखेर सर्व बडेजावपणा बाजूला ठेवून लांडगे यांनी आपल्या मुलीचं लग्न आज आळंदीत लावून टाकलं आहे. या विवाह सोहळ्याचे दोन फोटो समोर आले आहेत. (BJP MLA Mahesh Landages daughters wedding in Alandi)
लांडगे यांची मुलगी साक्षी लांडगेचं येत्या 6 जून रोजी लग्न होणार होतं. या लग्नाची जोरदार तयारी सुरु होती. लग्नातील मांडव टहाळ कार्यक्रम नुकताच पार पडला. त्यावेळी भंडाऱ्याची मुक्त उधळण करत आमदार लांडगे बेफाम होऊन नृत्य करताना दिसले. समर्थकांच्या खांद्यावर बसून लांडगेंनी नृत्याचा आनंद लुटल्याचं एका व्हिडीओत पाहायला मिळत आहे. मात्र, या कार्यक्रमात आमदार लांडगे यांच्यासह एकाच्याही तोंडावर मास्क नव्हता. ना या कार्यक्रमात सोशल डिस्टन्सिंगचं पालन करण्यात आलं. त्यामुळे कोरोना नियमांचं उल्लंघन केल्या प्रकरणी लांडगे यांच्यासह 60 जणांवर गुन्हा दाखल करण्यात आलाय.
VIDEO | लेकीच्या मांडव टहाळीला भाजप आमदाराचा डान्स, भंडारा उधळत पुण्यात महेश लांडगेंचे बेफाम नृत्य pic.twitter.com/DmA71BYXPw
— Anish Bendre (@BendreAnish) May 31, 2021
महापालिका अधिकाऱ्याचाही डान्स व्हिडीओ
आमदार महेश लांडगे बेफाम नाचतानाचा व्हिडीओ समोर आला आहे. या व्हिडीओनंतर आणखी एक व्हिडीओ समोर आला आहे. या व्हिडीओत पिंपरी चिंचवड महापालिकेचे अधिकारी सुनील बेळगावकर हे आमदार लांडगे यांच्यासोबत नृत्य करताना दिसत आहेत. आमदारांच्या कन्या साक्षी लांडगे यांच्या विवाह सोहळ्यापूर्वी आयोजित विधींच्या वेळी लांडगेंनी भंडाऱ्याची मुक्त उधळण करत नृत्य केले. यावेळी सोशल डिस्टन्सिंगचा फज्जा उडवत इतरांनीही नृत्य केलं. यामध्ये पिंपरी चिंचवड महापालिकेचे अधिकारी देखील सहभागी होते. संबंधित घटनेचा व्हिडीओ समोर आल्यानंतर आमदार आणि अधिकारी दोघांवर आता टीकेची झोड उठत आहे.
आमदाराच्या मुलीच्या लग्नाच्या कार्यक्रमात अधिकारी जेव्हा डान्स करतात, सोशल डिस्टन्सिंगचा फज्जा, कारवाई होणार? सर्वसामान्यांचा सवाल। #PimpriChinchwad #bhosari #MaheshLandge #pune pic.twitter.com/raNdCEN3p8
— CHETAN PATIL (@chetanpatil1313) May 31, 2021
कोण आहेत महेश लांडगे?
महेश लांडगे भाजपचे पिंपरी चिंचवड शहराध्यक्ष
भोसरी विधानसभा मतदारसंघातून आमदारकी
पिंपरी चिंचवड महापालिकेचे माजी नगरसेवक
राष्ट्रवादी काँग्रेस पक्षातून राजकारणाला सुरुवात
2017 मध्ये राष्ट्रवादी सोडून भाजपात प्रवेश
राजकारणापूर्वी पैलवान म्हणून महेश लांडगे यांची ओळख
संबंधित बातम्या :
VIDEO | लेकीच्या मांडव टहाळीला भाजप आमदाराचा डान्स, भंडारा उधळत पुण्यात महेश लांडगेंचे बेफाम नृत्य
Pune Lockdown Update : पुण्यातील लॉकडाऊन शिथिल, सकाळी 7 ते दुपारी 2 पर्यंत सर्व प्रकारची दुकाने सुरु
BJP MLA Mahesh Landages daughters wedding in Alandi