राज ठाकरे करणार नव्या घरात प्रवेश; ‘असे’ असेल नवे निवासस्थान
राज ठाकरे हे दिवाळी पाडव्याच्या मुहूर्तावर लवकरच नव्या घरात प्रवेश करणार असल्याची माहिती समोर येत आहे. राज यांचे नवे घर दादर येथील त्यांचे सध्याचे निवासस्थान असलेल्या 'कृष्णकुंज' शेजारीच आहे.
मुंबई – राज ठाकरे हे दिवाळी पाडव्याच्या मुहूर्तावर लवकरच नव्या घरात प्रवेश करणार असल्याची माहिती समोर येत आहे. राज यांचे नवे घर दादर येथील त्यांचे सध्याचे निवासस्थान असलेल्या ‘कृष्णकुंज’ शेजारीच आहे. ‘कृष्णकुंज’ शेजारीच नवी पाच मजली इमारत बांधण्यात आली आहे. या नव्या निवासस्थानी राज ठाकरे लवकरच आपल्या कुटुंबासह प्रवेश करणार असल्याची माहिती समोर येत आहे. यासाठी सध्या जय्यत तयारी सुरू असून, राज ठाकरे या इमारतीला काय नाव देणार याकडे सर्वांचे लक्ष लागले आहे. ही नवी इमारत सर्व सुविधांनीयुक्त असून, राज ठाकरे लवकरच आपल्या कुटुंबासह या इमारतीमध्ये राहाण्यासाठी जाणार आहेत.
निवासस्थानामध्ये भव्य ग्रंथालय
‘कृष्णकुंज’शेजारी बांधण्यात आलेल्या या पाच मजली इमारतीत पहिल्या मजल्यावर समिती कक्षाची व्यवस्था करण्यात आली आहे. याच इमारतीतमध्ये आता मनसेचे मुख्य कार्यालय देखील असणार आहे. याच ठिकाणी राज ठाकरे हे आपल्या कार्यकर्त्यांना भेटणार आहेत, तसेच इतर नागरिकांना देखील याच कार्यालयात राज ठाकरे यांची भेट घेता येणार आहे. इतर मजल्यावर ठाकरे यांच्या कुटुंबीयांच्या निवासाची सोय करण्यात आली आहे. विशेष म्हणजे या इमारतीमध्ये सुसज्ज सर्व सोयी सुविधांनी युक्त असे एक भव्य ग्रंथालय देखील उभारण्यात आले आहे. इमारतीचे काम पूर्ण झाले असून, आता दिवळी पाडव्याच्या मुहूर्तावर राज ठाकरे आणि कुटुंबीय लवकरच या नव्या घरात गृहप्रवेश करणार आहेत.
कृष्णकुंज महाराष्ट्राच्या राजकारणाचे केंद्र
दरम्यान आतापर्यंत कृष्णकुंज हे महाराष्ट्राच्या राजकारणाचे प्रमुख केंद्र राहिले आहे. ही वास्तू अनेक महत्त्वपूर्ण राजकीय निर्णयाची साक्षीदार राहिली आहे. मुंबईसह राज्यातील कामगारांना् कोणतीही समस्या असो, त्यांना कृष्णकुंज हे आपल्या हक्काचे ठिकाण वाटते. समस्या घेऊन कष्णकुंजवर आलेल्या नागरिकांना नेहमीच न्याय देण्याचा प्रयत्न मनसेच्या वतीने करण्यात आला. राजकीय वर्तृळामध्ये कृष्णकुंजला विशेष महत्त्व आहे. आता राज ठाकरे यांनी नव्या घरात प्रवेश केल्यानंतर कार्यकर्त्याची अशीच वर्दळ ठाकरे यांच्या नव्या निवासस्थानी पाहायला मिळणार आहे.
tv9marathi.com/maharashtra/mumbai/shivsena-sanjay-raut-slam-bjp-through-saamana-editorial-over-bypoll-election-571568.html
@rautsanjay61
@BJP4India
#BypollResults2021
संबंधित बातम्या
शिवसेनेच्या वाघिणीचं जंगी स्वागत, रश्मी ठाकरेंकडून डेलकरांचं औक्षण, मातोश्रीचा खास पाहुणचार
महाराष्ट्राच्या बाहेर शिवसेनेचा पहिल्यांदाच भगवा फडकवला, आता कलाबेन डेलकर म्हणतात….
