सोलापूर: तडीपार बॉबी शिंदेला अटक करण्याची कारवाई पोलीस (Police Action in Solapur) करत होते. मात्र यावेळी पोलिसांवरच हल्ला करण्यात आला. याप्रकरणी पोलिसांनी (Solapur Police) तीन महिलांसह पाच जणांवर गुन्हा दाखल केला आहे. अटकेची कारवाई करतेवेळी पोलिसाच्या हाताला चावा घेऊन मारहाण केल्याप्रकरणी पोलिसांनी गुन्हे दाखल केले आहेत. याप्रकरणी सध्या अधिक तपास सुरु आहे. फौजदार चावडी पोलीस ठाण्यात संबंधितांवर गुन्हा दाखल करण्यात आलाय. हा धक्कादायक प्रकार डॉ. बाबासाहेब आंबेडकर जयंतीनिमित्त (Dr Babasaheb Ambedkar Jayanti 2022) कााढणाऱ्या आलेल्या मिरवणुकीच्या दरम्यान घडला. आंबेडकर चौकात ही घटना घडली. सचिन ऊर्फ बॉबी शिंदे, किर्ती शिंदे, सुलोचना शिंदे, दीक्षा वाघमारे, गुड्डी शिंदे आणि अन्य दोन अनोळखी अशा एकूण पाच जणांवर पोलिसांनी गुन्हा दाखल केला आहे.
डॉ. बाबासाहेब आंबेडकर यांच्या जयंती निमित्त शहरातून मिरवणूक काढण्यात आली होती. यावेळी एक तडीपार असलेला सचिन उर्फ बॉबी शिंदे मिरवणुकीत आढळून आला. सोलापूर शहर पोलीस आयुक्तालयाने दोन वर्षाकरीता सचिन उर्फ बॉबी शिंदेला तडीपार केलं होतं. अखेर तो मिरवणुकीत दिसल्यानं त्याला ताब्यात घेण्यासाठी पोलीस रवाना झाले.
पोलिसांनी तडीपार बॉबीला मिरवणुकीत पकडलंही आणि नंतर पोलीस ठाण्यात आणलं. मात्र त्याआधी त्याला पोलीस ठाण्यात आणताना त्याच्याच कुटुंबातील लोकांनी तीव्र विरोध केला. पोलीस कारवाई करत असताना सगळेजण पोलिसांसोबत हुज्जत घालू लागले. बॉबीला घेऊन जाऊ नका, असंही म्हणत होते. दरम्यान, पोलीस नाईक रविराज काळे आणि पोलीस कॉन्स्टेबल पाटील यांच्याशी हुज्जत घालणाऱ्यांनी झटापट केली. रविराज काळे यांच्या शर्टाची कॉलर पकडून ओढाओढी करू लागले.
यावेळी एकानं पोलिसांच्या डाव्या हाताला चावा घेतला. बॉबीला सोड नाही तर बघ असं म्हणत शिवीगाळ करून धमकावण्यातही आलं. त्यामुळे शासकीय कामात अडथळा करून दोन पोलीस कर्मचाऱ्यांवर हल्ला केल्याची फिर्याद पोलिसा स्थानकात करण्यात आली. पोलीस नाईक रविराज काळे यांनी ही फिर्याद दिली होती. आता याप्रकरणी वरिष्ठ पोलीस निरीक्षक उदयसिंह पाटील पुढील तपास करत आहेत. या प्रकरणी एकूण तीन महिलांसह पाच जणांवर गुन्हा दाखल करण्यात आला आहे.
Lemon Rate : सब गोलमाल..! उत्पादकांपेक्षा व्यापारीच मालामाल, काय आहे बांधावरची स्थिती?
Solapur : अखेर ज्याची भीती तेच घडले, निसर्गाच्या लहरीपणामुळे शेतकऱ्यांचे गणितच बिघडले