सोलापूर

सोलापूर शहर प्राचीन काळी सोन्नलागी आणि सोन्नलापूर या नावाने ओळखलं जायचं. कालांतराने या शहराला सोलापूर असे नाव पडले. सोलापूरची खरी ओळख ही गिरणगाव अशीच होती. मुंबईनंतर सोलापूर हेच गिरणीकामगारांचं शहर म्हणून ओळखलं जात. सोलापूरची चादर आणि शेंगा चटणी सातासमुद्रापार पोहोचली आहे. ज्वारीचं कोठार अशीही सोलापूरची ओळख. तसेच, विडी आणि सिगारेट उद्योगात या जिल्हयाचा प्रथम क्रमांक लागतो. त्यानंतर, आता सर्वाधिक साखर कारखाने असेलला जिल्हा म्हणून सोलापूर साखर उद्योगात अग्रस्थानी आहे. सन 2011 च्या जनगणनेनुसार सोलापूर जिल्ह्याची लोकसंख्या लोकसंख्या 43,17,756 एवढी आहे. जिल्ह्यात 11 तालुके आहेत, ज्यामध्ये एकूण 1144 खेडी आहेत. जिल्ह्याचं एकूण क्षेत्रफळ 14895 वर्ग कि.मी एवढं आहे. सोलापूरात मराठी भाषेसह तेलगू आणि कन्नड भाषाही प्राधान्याने बोलली जाते. महाराष्ट्र, आंध्र प्रदेश आणि कर्नाटक या तीन राज्यांच्या सीमालगत असलेल्या हा जिल्हा आहे. सिद्धेश्वर मंदिरासह पंढरपूर आणि अक्कलकोट ही प्रसिद्ध तीर्थक्षेत्रही या जिल्ह्याची ओळख आहेत. तर संतांची भूमी म्हणू येथील मंगळवेढा प्रसिद्ध आहे. सोलापूर जिल्ह्यात 2 लोकसभा मतदारसंघ आणि 11 विधानसभा मतदारसंघ आहेत. जिल्ह्यात 68 जिल्हा परिषद मतदारसंघ आणि 136 पंचायत समिती मतदारसंघ आहेत. बार्शी हा जिल्ह्यातील विधानसभा मतदारसंघ उस्मानाबाद लोकसभा मतदारसंघात समाविष्ट आहे. विधानसभा मतदारसंघ (11) : मोहोळ, उत्तर सोलापूर शहर, दक्षिण सोलापूर शहर, मध्य सोलापूर शहर, अक्कलकोट, पंढरपूर, करमाळा, माढा, सांगोले, माळशिरस, बार्शी, नवीन वैराग तालुका प्रस्तावित आहे. तर सोलापूर महानगरपालिकेत एकूण 102 सदस्य आहेत.

सोलापुरातील जिल्ह्यातील राजकीय घडामोडी, गुन्हेगारीसह इतर बातम्या, फोटो, व्हिडीओ आणि लाईव्ह कव्हरेजसाठी टीव्ही9 मराठीच्या वेबसाईटला आवर्जून भेट द्या.