जिल्हा परिषद निवडणूक

महाराष्ट्र राज्य निवडणूक आयोगाने राज्यातील 12 जिल्हा परिषदांच्या निवडणुकीची घोषणा केली आहे. या निवडणुकीसाठी 7 फेब्रुवारी 2026 रोजी मतदान पार पडणार असून 9 फेब्रुवारीला मतमोजणी पार पडणार आहे. या निवडणुकांसाठी 1 जुलै 2025 रोजीची मतदार यादी वापरली जाणार आहे. पुणे विभागातील पुणे, सातारा, सांगली, कोल्हापूर, सोलापूर, छत्रपती संभाजीनगर विभागातील छत्रपती संभाजीनगर, परभणी, धाराशिव, लातूर आणि कोकण विभागातील रायगड, रत्नागिरी, सिंधुदुर्ग या जिल्हा परिषदांसाठी ही निवडणूक होणार आहे. त्यामुळे या निवडणुकीकडे सर्वांचे लक्ष लागलेले आहे.