शेवटी महायुतीचे हित… अनिकेत तटकरे यांच्या उमेदवारीनंतर सुनील तटकरे यांचे मोठे विधान..

राष्ट्रवादी काँग्रेस पक्षाची नेते आणि खासदार सुनील तटकरे यांनी नुकताच पत्रकार परिषद घेतली. सुनील तटकरे यांनी म्हटले की, महायुती म्हणून आम्ही या 17 जागा लढत आहोत. आमच्या पक्षाच्या नेत्या सुनेत्रा पवार यांनी याबाबत निर्णय घेतला. भाजपा कोणत्या जागा लढवेल आम्ही कोणत्या जागा लढू, याबाबत काल घोषणा झाली. राष्ट्रवादी काँग्रेसने महायुतीतील घटक म्हणून त्या जागा लढण्याचे ठरवले. अनिकेत तटकरे यांचा उमेदवारी अर्ज आम्ही महायुतीचा उमेदवार म्हणून दाखल करत आहोत. याला देवेंद्र फडणवीस, एकनाथ शिंदे आणि सुनेत्रा पवार यांचे आर्शिवाद आहेत. या विभागातील महायुतीचे नेते आहेत. उदय सामंत, नितेश राणे, भरत गोगावले यांचे पाठबळ आहे. सर्वच महायुतीचे आमदार आणि नेत्यांचे पाठबळ आहे.

महायुतीच्या उमेदवाराचा अर्ज भरण्याकरिता सर्वच प्रमुख मंडळी याठिकाणी आले आहेत. अनिकेत तटकरेंची सर्व दाैरे झाले आहेत. रत्नागिरी असेल सिंधुदुर्ग असेल याठिकाणचे प्रश्न त्याने उपस्थित राहून सातत्याने मांडले आहेत. आता मतदार संघ इतका मोठा असल्याने नियमितपणे संपर्क होईल असे नाही. त्यात काही सुधारणा असतील तर त्याच लक्ष घालण्याच्या सूचना माझ्याकडून दिल्या जातील.

राजकारणात डील वगैरे होत नाही. शेवटी राजकारणात सामुदायिक चर्चा होते आणि शेवटी महायुतीचे हित समोर आहे. राजकीय संघर्ष होत असतो हे खरे आहे. कोकण विधान परिषदेची जागा राष्ट्रवादी काँग्रेसकडे गेली. मात्र, अजूनही या जागेकरिता रस्सीखेंच बघायला मिळत आहे. आज अनिकेत तटकरे महायुतीचे उमेदवार म्हणून अर्ज दाखल करणार आहेत.

रायगडमधून अनिकेत तटकरे यांना उमेदवारी देण्यात आली. महायुतीचे उमेदवार हा उमेदवारी अर्ज भरण्याकरिता दाखल झाले आहेत. रायगडच्या या जागेकडे सर्वांच्या नजरा होत्या. गेल्या काही दिवसांपासून भरत गोगावले विरोधात  सुनील तटकरे असा सामना बघायला मिळत आहे. अजूनही रायगडच्या पालकमंत्रिपदाचा तिढा सुटला नाही. आदिती तटकरे आणि भरत गोगावले दोघेही पालकमंत्रिपदाकरिता आग्रही आहेत. मात्र, अजूनही तोडगा निघू शकला नाही.