ठाणे : “शिवसेनाप्रमुख बाळासाहेब ठाकरे आज हयात असते तर हे खपवून घेतले गेलं नसतं. त्यांनी शिवजयंती मोठ्या उत्सहात साजरी केली असती,” असा टोला भाजपचे आमदार निरंजन डावखरे यांनी शिवसेनेला लगावला. शिवजयंतीच्या मुहूर्तावर 40 x 30 फुटांचे भव्य पोट्रेट काढण्यात आले आहे. या कलाकृतीला पाहण्यासाठी भाजप आमदार निरंजन डावखरे ठाण्यात आले होते. यावेळी बोलताना त्यांनी वरील वक्तव्य केले. (BJP MLA Niranjan Davkhare criticizes Shiv Sena on Shiv Jayanti issue)
“शिवसेनाप्रमुख बाळासाहेब ठाकरे आज हयात असते, तर त्यांनी हे खपवून घेतले गेलं नसतं. त्यांनी शिवजयंती मोठ्या उत्साहात साजरी केली असती. परंतु महाविकास आघाडीच्या तीन चाकी सरकारमध्ये शिवसेनेवर बंधने आहेत. शिवसेनेची ही दुर्बलता आहे,” असे डावखरे म्हणाले.
यावेळी पुढे बोलताना त्यांनी महाविकास आघाडी सरकारवर टीका केली. ”आपण बघतोय की गुन्हेगांराच्या मिरवणुका निघत आहेत. कारागृहातून सुटले की त्यांची मिरवणूक निघते आहे. पण छत्रपती शिवजी महाराज यांच्या जयंतीवर बंदी घातली जात आहे. असे फक्त महाविकास आघाडीच्या सरकारमध्येच होऊ शकते,” असे निरंजन डावखरे म्हणाले.
दरम्यान ठाण्यात पन्नास हजार पणत्यांच्या मदतीने शिवाजी महाराज यांचे . 40 x 30 फुटांचे भव्य असे पोट्रेट साकारण्यात आले आहे. ही कलाकृती साकारण्यासाठी तीन दिवसांचा कालावधी लागला. ठाण्यातील सकल मराठा समाज आणि मराठा क्रांती मोर्चाच्या कार्यकर्त्यांनी या उपक्रमाचे आयोजन केले आहे. चेतन राऊत या आर्टिस्टने 10 जणांच्या टिमसोबत ते साकारले आहे. या कलाकृतीला पाहण्यासाठी येण्याचे आवाहनही निरंजन डावखरे यांनी केले.
इतर बातम्या :
‘शशिकांत शिंदे आणि मी एकच’, जावळीच्या सरपंच परिषदेत शिवेंद्रसिंहराजेंची पुन्हा फटकेबाजी
Bharat Bandh: मोठी बातमी! देशभरात ‘या’ दिवशी सर्व व्यावसायिक बाजारपेठा बंद राहणार; CAIT ची माहिती
(BJP MLA Niranjan Davkhare criticizes Shiv Sena on Shiv Jayanti issue)