पालघर: हिट अँड रन प्रकरणातील आरोपी सहाय्यक पोलीस निरीक्षक सुहास खरमाटे याला अखेर निलंबित करण्यात आलंय. दोन दिवसांपूर्वी तारापूर चिंचणी मार्गावर भरधाव वेगात सुहास खरमाटे यांच्या चारचाकी गाडीनं धडक दिली होती. यामध्ये एक व्यक्ती गंभीर जखमी झाला होता. त्या व्यक्तीवर नानावटी रुग्णालयात उपचार सुरु आहे. पालघरच्या पोलीस अधीक्षकांनी अखेर सुहास खरमाटे यांच्यावर कारवाई केली असल्याची प्राथमिक माहिती आहे.
पालघर जिल्ह्यातील डहाणूमध्ये हिट अँड रनचं प्रकरण उघडीकस आलं होतं. विशेष बाब म्हणजे सहायक पोलीस निरीक्षकाच्या गाडीनं एका दुचाकीस्वाराला उडवलं होती. ती गाडी सुहास खरमाटे यांची होती. याशिवाय तीन चाकावर गाडी चालवल्याचा थरार देखील घडल्याचं प्रत्यक्षदर्शींनी सांगितंल होतं. या घटनेप्रकरणी सहायक पोलीस निरीक्षकावर गुन्हा दाखल करण्यात आला असून पुढील तपास सुरु करण्यात आलाय. आता सुहास खरमाटे यांच्यावर निलंबनाची कारवाई करण्यात आली आहे. डहाणू पोलीस ठाण्याच्या सहायक पोलीस निरीक्षकावर वाणगाव पोलीस ठाण्यात गुन्हा दाखल करण्यात आलाय. तारापूर ते डहाणू पोलीस ठाण्यापर्यंत भरधाव गाडी चालवून अपघात करून काहींना जखमी केल्याची घटना घडलीय. जखमींपैकी एकाची प्रकृती ही चिंताजनक असल्याने त्या व्यक्तीला नानावटी रुग्णालयात हलविण्यात आले आहे.
पोलीस निरीक्षकाच्या गाडीनं एका बाईकस्वाराला जोरदार धडक दिली. यानंतर चक्क तीन चाकांवर कार जवळपास 18 किलोमीटर पर्यंत भरधाव चालवण्यात आली. डहाणू पोलीस ठाण्याच्या आवारात पार्क करून कार चालक भिंतीवरून उडी मारून पळून गेल्याचे सांगितले जातंय.
डहाणू पोलीस ठाण्याच्या आवारात पार्क करण्यात आलेल्या कार मध्ये पोलीस हॅट कॅप सुद्धा आढळून आली आहे. ही अपघाताची घटना वाणगाव पोलीस ठाण्याच्या हद्दीत घडली. तर, सुहास खरमाटे हे अजूनही फरार असल्याचे बोलले जातेय. मात्र, गाडी नेमकी कोण चालवत होतं हे अद्याप समोर आलेलं नाही. विशेष म्हणजे या गाडीमध्ये पोलिसांची टोपी असल्याने एकच खळबळ उडाली होती.
इतर बातम्या:
Video: पालघरच्या डहाणूमध्ये हिट अँड रन, पोलिसाच्या गाडीनं दुचाकीस्वाराला उडवलं, तीन चाकांवर गाडी चालवण्याचा थरार, गुन्हा दाखल
Palghar SP suspend Assistant Police Inspector Suhas Kharmate for hit and run case