मोठी बातमी! ट्रम्प यांनी 90 मिनिटं आधीच केला युद्धविराम, रिपोर्टने मोठी खळबळ, …तर इराण नाही अमेरिकाच झाली असती उद्ध्वस्त

युद्धामुळे मध्य पूर्वेत मोठा तणाव निर्माण झाला होता. अमेरिका, इराण आणि इस्त्रायलमध्ये भीषण युद्ध सुरू होतं. या युद्धामध्ये केवळ अमेरिका, इराण आणि इस्त्रायलचंच नुकसान झालं नाही तर संपूर्ण जगानं मोठी किंमत मोजली आहे. या युद्धात अनेक आखाती देश उद्ध्वस्त झाले आहेत. युद्धाकाळात या देशांवर इराणकडून हल्ले करण्यात आले होते. मात्र आता पाकिस्तानच्या मध्यस्थीने इराण आणि अमेरिकेत युद्धविराम घडवून आला आहे, इस्त्रायलकडून देखील या युद्धविरामाला पाठिंबा देण्यात आला आहे. दरम्यान युद्धविरामाच्या 24 तास आधी अमेरिकेचे राष्ट्राध्यक्ष डोनाल्ड ट्रम्प यांनी मोठी धमकी दिली होती. जगातील एक संस्कृती पूर्णपणे नष्ट होईल, ती आशी नष्ट होईल की पुन्हा ती अस्तित्वातच येणार नाही, असं ट्रम्प यांनी म्हटलं होतं आणि त्यानंतर अवघ्या काही तासांमध्येच युद्धविरामाच्या हालचालींना सुरुवात झाली.

मात्र आता एक धक्कादायक माहिती समोर येत आहे. ती म्हणजे अमेरिकेने डेडलाईनच्या 90 मिनिटं आधीच युद्धविरामाची घोषणा केली. अमेरिकेनं एवढा झटपट निर्णय का घेतला याबाबतचा एक रिपोर्ट आता समोर आला आहे. या रिपोर्टने खळबळ उडाली आहे. वृत्तसंस्था रॉयटर्सने याबाबतच वृत्त दिलं आहे. गेल्याच महिन्यात एफबीआयकडून अमेरिकेच्या संरक्षण विभागाला अलर्ट देण्यात आला होता, की इराणकडून अमेरिकेच्या अतंर्गत सुरक्षेला मोठा धोका निर्माण झाला आहे, त्यानंतर अमेरिकेनं युद्धविरामाचा निर्णय घेतल्याचं बोललं जात आहे.

रिपोर्टमध्ये काय म्हटलं आहे?

20 मार्च रोजी एफबीआयकडून अमेरिकेचा संरक्षण विभाग आणि इतर महत्त्वाच्या विभागाला इशारा देण्यात आला होता की, अमेरिकेमधील अनेक सरकारी कार्यालये, यहुदी समाजाच्या महत्त्वाच्या संस्था आणि अमेरिकेतील महत्त्वाच्या इमारती इराणच्या निशाण्यावर आहेत. इराणकडून अमेरिकेला देशांतर्गत मोठा धोका निर्माण झाला आहे. यामध्ये केवळ इराणचं स्लीपर सेलच नाही तर जे अमेरिकेमध्ये राहून अमेरिका आणि इस्त्रायलचा विरोध करतात असे देखील लोक यामध्ये सहभागी आहेत, अमेरिकेमध्ये मोठा हिंसाचार उफाळून येऊ शकतो. मात्र त्यानंतर ट्रम्प यांनी आता युद्धविरामाची घाई केल्याचं दिसून येत आहे.