सुभाष चंद्रा यांना मोठा झटका, कर्ज सेटलमेंटच्या आदेशाला स्थगिती, NCLT सुनावणीत घडलं काय?
Subhash Chandra NCLT: एस्सल समूहाचे संचालक सुभाष चंद्रा यांच्या 22,000 कोटींच्या कर्जमाफी प्रकरणात मोठा झटका बसला आहे. नॅशनल कंपनी लॉ ट्रिब्युनलच्या (NCLT) सुनावण्यात यापूर्वीच्या निर्णयाला स्थगिती मिळाली आहे. आज 5 सदस्यीय पूर्णपीठासमोर सुनावणी झाली, त्यात काय घडलं?
राष्ट्रीय कंपनी कायदा न्यायाधिकरणाने (NCLT) मंगळवारी एस्सल समूहाचे संचालक सुभाष चंद्रा यांना मोठा झटका दिला. चंद्रा यांच्या वैयक्तिक दिवाळखोरीच्या प्रकरणात यापूर्वी दिलेल्या 25 ऑगस्ट रोजी दिलेल्या आदेशाला स्थगिती दिली. तर हमीदार म्हणून (guarantors) त्यांनी आपली मालमत्ता प्रत्यक्ष अथवा अप्रत्यक्षपणे अन्य कुणालाही हस्तांतरीत करू नये अथवा विकू नये असे निर्देशही न्यायाधिकरणाने दिला आहे. यापूर्वीच्या तीन सदस्यांमध्ये मतभेद निर्माण झाले होते. आता हे प्रकरण NCLT च्या पाच सदस्यांच्या विशेष खंडपीठाकडे सोपवण्यात आले आहे. आज सकाळी त्यावर सुनावणी झाली.
आजच्या सुनावणीत काय झालं?
मंगळवारी याप्रकरणी सुनावणी झाली. विशेष खंडपीठाने त्यांचं मत नोंदवलं. यापूर्वीच्या आदेशामध्ये अंतर होते आणि कोणतेही स्पष्ट बहुमत नव्हते. त्यामुळे तो अंतिम आदेश नव्हता. न्यायाधिकरणाने याप्रकरणातील सर्व पक्षकारांना नोटीस बजावली आहे. 22,000 कोटींच्या कर्जमाफी प्रकरणात पहिल्यांदा 3 सप्टेंबर 2025 रोजी दोन सदस्यांनी भिन्न निर्णय दिले होते. अशोक कुमार भारद्वाज यांनी सुभाष चंद्रा यांना 6.25 कोटी कर्ज परतफेड योजनेला मंजूरी दिली होती. त्यावरून देशभरात मोठे वादंग उठले होते. बड्या उद्योजकांना देण्यात येत असलेल्या या विशेष सवलतीवर टीकेची झोड उठली होती.
यापूर्वीच्या आदेशावर अनेक सवाल
यापूर्वीच्या आदेशावर सवाल उपस्थित करण्यात येत होते. 22,000 कोटींच्या कर्जमाफी प्रकरणात 6.25 कोटी कर्ज परतफेड योजनेला मंजूरी देण्यात आली होती. या आदेशाला आता पाच सदस्यीय विशेष खंडपीठाने स्थगिती दिली आहे. विशेष खंडपीठासमोर या प्रकरणी पुन्हा सुनावणी होत आहे. दरम्यान हमीदार म्हणून सुभाष चंद्रा यांनी आपली मालमत्ता प्रत्यक्ष अथवा अप्रत्यक्षपणे अन्य कुणालाही हस्तांतरीत करू नये अथवा विकू नये असे निर्देशही न्यायाधिकरणाने दिला आहे. याप्रकरणी पाच सदस्यीय विशेष खंडपीठ पाचही सदस्यांचा विचार, मत लक्षात घेऊन लवकर निर्णय देईल अशी अपेक्षा व्यक्त करण्यात येत आहे.
झेडएमसीएलच्या शेअरमध्ये घसरण
या ताज्या निकालानंतर ZMCL, झी मीडिया कॉर्पोरेशन लिमिटेडच्या शेअरमध्ये मोठी घसरण दिसून आली. BSE च्या नवीन आकड्यांनुसार, झेडएमसीएलच्या शेअरमध्ये जवळपास एक टक्क्यांची घसरण दिसली. हा शेअर सकाळच्या सत्रात 8.54 रुपयांवर ट्रेड करत होता. या व्यापारी सत्रादरम्यान कंपनीचा शेअर 8.37 रुपयांच्या निच्चांकावर पोहचला. सोमवारच्या तुलनेत आज सकाळी हा शेअर 8.70 रुपयांच्या तेजीसह उघडला होता. तर एक दिवसापूर्वी हा शेअर 8.61 रुपयांवर बंद झाला होता.
