मोदींच्या हस्ते बिरसा मुंडा संग्रहालयाचे उदघाटन, देशभरात आणखी 9 संग्रहालय उभारणार
पंतप्रधान म्हणाले की, देशाने ठरवले आहे की, स्वातंत्र्याच्या अमृत मोहत्सवात आदिवासी परंपरा आणि त्यांच्या शौर्यगाथांना एक भव्य ओळख दिली जाईल. यामुळेच 15 नोव्हेंबर हा भगवान बिरसा मुंडा यांची जयंती - 'आदिवासी गौरव दिन' म्हणून साजरा करण्याचा ऐतिहासिक निर्णय घेण्यात आला आहे.
पंतप्रधान नरेंद्र मोदी यांनी आज रांची, झारखंडमधले आदिवासी स्वातंत्र्यसैनिक बिरसा मुंडा यांच्या स्मरणार्थ व्हिडीओ कॉन्फरन्सिंगद्वारे संग्रहालयाचे उद्घाटन केले. यावेळी पंतप्रधान म्हणाले की, देशाने ठरवले आहे की, स्वातंत्र्याच्या अमृत मोहत्सवात आदिवासी परंपरा आणि त्यांच्या शौर्यगाथांना एक भव्य ओळख दिली जाईल. यामुळेच 15 नोव्हेंबर हा भगवान बिरसा मुंडा यांची जयंती – ‘आदिवासी गौरव दिन’ म्हणून साजरा करण्याचा ऐतिहासिक निर्णय घेण्यात आला आहे. भारताच्या प्राचीन आदिवासी संस्कृतीचा गौरव करण्याचा हा दिवस आहे, पंतप्रधान म्हणाले.
अटल बिहारी वाजपेयींची आठवण
आपल्या भाषणात पंतप्रधान म्हणाले, या दिवशीच झारखंड राज्य पूज्य अटलजींच्या प्रबळ इच्छाशक्तीमुळे अस्तित्वात आले. देशाच्या सरकारमध्ये स्वतंत्र आदिवासी मंत्रालय स्थापन करणारे आणि आदिवासी हित देशाच्या धोरणांशी जोडणारे अटलजी होते.
पंतप्रधान म्हणाले, भगवान बिरसा मुंडा स्वातंत्र्य सैनिक संग्रहालयासारखी देशातील विविध राज्यांमध्ये अशा आणखी 9 संग्रहालयांवर काम वेगाने सुरू आहे. लवकरच गुजरातमधील राजपिपला, आंध्र प्रदेशातील लंबासिंगी, छत्तीसगडमधील रायपूर, केरळमधील कोझिकोड, मध्य प्रदेशातील छिंदवाडा, तेलंगणातील हैदराबाद, मणिपूरमधील तामिंगलाँग, मिझोराममधील केल्सी, गोव्यातील पोंडा येथे ही याच प्रकाराची संग्रहालये असतील.
हे ही वाचा
JNU विद्यार्थ्यांमध्ये पुन्हा हाणामारी, ABVP ने AISA, SFI नेत्यांवर हल्ला केल्याचा आरोप, अनेक जखमी
T20 WC : डेव्हिड वॉर्नरने कर्णधाराचा शब्द राखला, फिंचने केलेली भविष्यवाणी खरी ठरवली
Babasaheb Purandare Death | शिवशाहीरांच्या निधनावर मोदींचं ट्विट, गडकरी, राऊत, इतर नेते नेमकं काय म्हणाले?
