वृद्ध व्यक्तीला दोन वेळा चावला साप, नंतर त्याने जे काही केलं… डॉक्टरही हैराण

साप दिसताच भल्या-भल्यांना घाम फुटतो. पण गुजरातच्या सूरत येथे एका वृद्धासोबत असे काही घडले की तो सापाने डसल्यानंतरही घाबरला नाही. सापा त्याच्या पायात दोनदा चावला. यानंतर वृद्धाने लाकडी काठीने सापावर हल्ला केला आणि त्याला मारले. उपचारासाठी रुग्णालयात जाताना वृद्धाने तो मृत सापही सोबत नेला. त्याने सापाला एका प्लास्टिकच्या पिशवीत भरले आणि १०८ रुग्णवाहिकेतून सूरतच्या स्मीमेर रुग्णालयात पोहोचला.

नेमकं काय घडलं?

हा प्रसंग सूरतच्या सणिया गावातील आहे. इथे रुडा इंडस्ट्रीजमध्ये काम करणारे अशोकभाई कोटडिया काम करत होते. याच दरम्यान अचानक एक साप त्यांच्या पायात दोनदा चावला. साप डसल्यानंतर अशोकभाईंनी हिंमत सोडली नाही. त्यांनी लाकडी काठी उचलली आणि सापावर वार केला. सापाचा जागीच मृत्यू झाला.

यानंतर अशोकभाईंनी ताबडतोब १०८ रुग्णवाहिका सेवेला सूचना दिली. पण रुग्णालयात जाण्यापूर्वी त्यांनी आणखी एक काम केले. ज्या सापाने त्यांचा चावा घेतला होता, तोच साप प्लास्टिकच्या पिशवीत भरुन ठेवला. १०८ रुग्णवाहिकेच्या माध्यमातून अशोकभाई उपचारासाठी सूरतच्या स्मीमेर रुग्णालयात पोहोचले. त्यांच्या हातात एक प्लास्टिकची पिशवी होती. पिशवीत मृत साप होता. जेव्हा रुग्णालयात ड्यूटीवर असलेल्या डॉक्टरांनी पिशवीत साप पाहिला तेव्हा तेही एक क्षण थक्क झाले.

वृद्धाने डॉक्टरांना सांगितले की याच सापाने त्यांना चावले आहे. यानंतर रुग्णाचा उपचार सुरू करण्यात आला. सध्या अशोकभाई कोटडिया डॉक्टरांच्या निगराणीखाली आहेत आणि त्यांचा उपचार सुरू आहे. रुग्णालयापर्यंत मृत साप पिशवीत घेऊन पोहोचण्याची त्यांची पद्धत लोकांना आश्चर्यचकित करत आहे. मात्र, साप चावण्याच्या कोणत्याही घटनेत प्राधान्य ताबडतोब सुरक्षित पद्धतीने वैद्यकीय मदत घेणे हेच आहे. रुग्णाची अवस्था आणि सापाची ओळख याबाबत अंतिम निर्णय तज्ज्ञच घेतात.