आम्ही हे जग सोडून चाललो… वाढदिवशीच उच्चशिक्षित जोडप्याने घेतला भयंकर निर्णय
एक धक्कादायक प्रकरण समोर आले आहे. या प्रकरणात उच्च शिक्षिती जोडप्याने जे काही केले ते पाहून पोलीसही हादरले आहेत. आता नेमकं काय झालं होतं? चला जाणून घेऊया...
गुरुग्राममधील एका सोसायटीतील फ्लॅटमध्ये बुधवारी सकाळी एक टेक जोडपे मोहम्मद असलम (३०) आणि त्यांची पत्नी फरहाना संशयास्पद परिस्थितीत मृत आढळले. या घटनेमुळे संपूर्ण परिसरात खळबळ उडाली. असलमने सकाळी सुमारे ७ वाजता आपल्या सहकाऱ्याला ईमेल पाठवून लिहिले होते की, ‘आम्ही जग सोडत आहोत’ आणि त्यात कुटुंबातील सदस्यांचा व घरमालकाचा फोन नंबर शेअर केला होता. त्या दिवशी फरहानाचा वाढदिवस होता.
कंपनीच्या सहकाऱ्यांनी सांगितल्यानंतर घरमालक टॉवर ७ मधील फ्लॅटमध्ये पोहोचले. तिथे असलम अतिशय विचित्र अवस्थेत आढळले आणि फरहाना जमिनीवर मृत अवस्थेत सापडली होती. तिच्या गळ्यावर जखमेचे चिन्हे होते. घटनास्थळाच्या तपासणीत फ्लॅटचा दरवाजा उघडा असल्याचे आढळले आणि आतून एक नोट मिळाली. त्यावर ‘आम्ही हे जग सोडत आहोत’ असे लिहिलेले होते. शिवाय फरहानाच्या कपड्यांवर हाताने ‘आई लव्ह यू’ लिहिलेले आढळले.
पोलीसांनी जागेवरून तीन लॅपटॉप, दोन मोबाईल फोन, एक दोरी, डायरी, कात्री आणि पेन ड्राइव्ह जप्त करून फॉरेन्सिक तपासासाठी पाठवले आहेत. प्राथमिक तपासाच्या आधारे पोलीसांना शंका आहे की असलमने स्वत:ला संपवण्यापूर्वी फरहानाचा जीव घेतला असावा. त्यामुळे भारतीय न्याय संहिता (बीएनएस)च्या कलम १०३ (१) अंतर्गत खून प्रकरण नोंदवण्यात आले आहे. केरळचे रहिवासी असलेल्या या उच्च शिक्षित जोडप्याचे लग्न २०२३ मध्ये झाले होते आणि ते सुमारे तीन महिन्यांपूर्वी बंगळुरूमधून गुरुग्रामला स्थलांतरित झाले होते. ज्या दिवशी ही भयंकर घटना समोर आली, त्याच दिवशी फरहानाचा वाढदिवसही होता.
असलम एनआयटी कालीकट आणि आयआयएम इंदोरचे माजी विद्यार्थी होते, तर फरहानाही एका आयटी कंपनीसाठी वर्क फ्रॉम होम करत होत्या. परिवाराच्या मते दोघांमध्ये खूप प्रेम होते आणि कोणत्याही प्रकारच्या वैवाहिक वादाची बाब समोर आलेली नाही. मात्र असलम गेल्या सुमारे दीड वर्षांपासून डिप्रेशनचा उपचार घेत होता. नातेवाईकांनी शंका व्यक्त केली आहे की आयटी क्षेत्रातील अतिशय ‘वर्क प्रेशर’ हा या भयंकर पावलामागचे कारण असू शकते. या प्रकरणाची सविस्तर चौकशी आता बादशाहपूर ठाणे पोलीस करत आहेत.
