माझी तिसरी बायको होतेस का? प्रसिद्ध अभिनेत्रीला ऑफर; 10 एकर जमीन द्यायला तयार; पुढे कायं झालं?
एक धक्कादायक प्रकरण समोर आले आहे. एका अभिनेत्रीने मुलाखतीमध्ये VVIP व्यक्तीची पोलखोल केली आहे. तिला या व्यक्तीने दिलेल्या ऑफरचा तिने खुलासा केला आहे.
29 वर्षीय अभिनेत्रीचे धक्कादायक प्रकरण समोर आले आहे. तिला एका श्रीमंत व्यक्तीने तिसरी पत्नी होण्यासाठी घर, कार आणि १० एकर जमीन देण्याची ऑफर दिली होती. स्वत: अभिनेत्रीने याबाबत सांगितले आहे. आता ती नेमकं काय म्हणाली चला जाणून घेऊया...
आम्ही मलेशियाची अभिनेत्री आणि माजी ब्यूटी क्वीन एमी नूर टिनीबाबत बोलत आहोत. एका श्रीमंत व्यक्तीला तिला आपली तिसरी पत्नी बनवायचे होते. यासाठी त्याने कोट्यवधींची १० एकर जमीन, कार, घर आणि दरमहा ११ लाख रुपये देण्याची तयारी दाखवली होती. हा खुलासा तिने स्वतः केला आहे.
खरे तर, एमी नूर टिनीने २५ डिसेंबरला एका पॉडकास्टमध्ये याबाबत सांगितले होते. तिने सांगितले की, तो व्यक्ती मलेशियातील एक अतिशय मोठा आणि प्रभावशाली माणूस होता. त्याला VVIP म्हणतात. एमीच्या म्हणण्यानुसार, लग्नासाठी त्या व्यक्तीने मोठे घर, कार, १० एकर जमीन आणि दरमहा ११ लाख रुपये देण्याचे वचन दिले होते.
त्या पॉडकास्टमध्ये एमीने हेही सांगितले की, तिने त्या व्यक्तीशी लग्न करण्यास नकार दिला. अभिनेत्रीने सांगितले की, तो माणूस तिच्या वडिलांच्या वयाचा होता आणि एमींचे वय २९ वर्षे आहे. तिला असेच ऑफर यापूर्वीही अनेकदा मिळाल्या आहेत, कारण त्या कॉर्पोरेट इव्हेंट्समध्ये काम करतात.
एमीने सांगितले की, ही ऑफर तिला खूप वेगळी आणि चुकीची वाटली. तिने म्हटले की, ही घटना २०१९ ची आहे आणि त्या वेळी ती केवळ २३ वर्षांची होती. ती ब्यूटी पेजंट्समध्ये भाग घेत होती. त्यावेळी स्पॉन्सरशिप शोधत असताना त्या व्यक्तीने मदत करणार असल्याचे सांगितले होते. पण त्याने तिसरी पत्नी होण्याची अट ठेवली.
पण नंतर एमीने स्पष्ट नकार दिला आणि ही बाब आपल्या आईला सांगितली. तिच्या आईने ठामपणे म्हटले की, त्या आपल्या मुलीला कोणासमोर विकणार नाहीत आणि दोघींनीही ही ऑफर नाकारली.
एमी नूर टिनीबद्दल बोलायचे झाल्यास, ती मलेशियातील प्रतिभावान अभिनेत्री आहेत. अभिनेत्री असण्याबरोबरच ती उत्तम होस्टही आहे. अनेक टेलिव्हिजन शोचा भाग राहिली आहे. ती ब्यूटी पेजंट्समध्येही सहभागी झाली आहे. एमी सध्या २९ वर्षांची आहे. ती एक उद्योजिका देखील आहे. ती स्वत:चे सलून आणि स्वतःचे स्पा चालवते. तिच्या स्पा आणि सलूनचे नाव 'सलीमी वेडिंग सलून अँड स्पा' आहे.
