तुझ्यासारखं बापाकडून पैसे मिळत नाहीत; टीकाकरांवर ऐश्वर्या संतापली, सांगितला भयानक अनुभव
‘रमा राघव’ आणि ‘पिंगा गं पोरी पिंगा’ सारख्या मालिकांमुळे घराघरात ओळखली जाणारी अभिनेत्री ऐश्वर्या शेटे आज सर्वांची लाडकी कलाकार ठरली आहे. पण करिअरच्या सुरुवातीला मात्र तिला प्रचंड त्रास आणि हिणवणूक सहन करावी लागली होती.
श्रीमंत घरात जन्म घेतल्यामुळे तिच्या संघर्षावर शंका घेतली गेली आणि अनेकदा अस्पृश्यासारखी वागणूक दिली गेली. त्याच अनुभवांबद्दल तिने अलीकडेच एका मुलाखतीत मन मोकळे केले आहे.
ऐश्वर्या म्हणाली, छोटे रोल करताना मिळणारी वागणूक खूप वाईट वाटायची. लोक म्हणायचे की मी अजूनही बापाच्या पैशांवर जगते आणि स्वतः काही करत नाही. 20-22 वर्षांची असूनही घरी राहत असल्याने ते ऐकवायचे. पण माझे गाव नाही आणि आई-वडील लांब राहत नाहीत, त्यामुळे बाबा गाडी-ड्रायव्हर बरोबर घेऊन जायला सांगायचे.
ऐश्वर्या म्हणाली की ती आधी बीएमडब्ल्यू-मर्सिडीजने जायची, नंतर ते बंद करून रिक्षाने जाऊ लागली. लोक विचारायचे तर ती ‘मी माझ्याप्रमाणे जाईन’ असं सांगायची. सेट जवळ असल्याने गल्लीचा रस्ता असल्याची कारणं देत होती. नंतर क्रेटा घेऊन जाऊ लागली तरी लोक म्हणायचे, “हिचा रणगाडा, आम्हाला बस-ट्रेनने जावं लागतं.”
हा ऐश्वर्याचा कंफर्ट झोन सोडण्याचा संघर्ष होता. कामासाठी मात्र तिला एकापाठोपाठ संधी मिळत गेल्या, पण लोकांनी आणि जवळच्या मित्रांनीही तिला हिणवलं की आम्हाला काय आमचं आमचं करावं लागतं आम्हाला वडिलांकडून पैसे नाही मिळत.
