Ashok Kharat: जेलमधून नवी अपडेट! अशोक खरातने जेलमध्येच सुरु केला नवा बिझनेस, थेट पहाटे उठून…
Ashok Kharat: नाशिकमधील भोंदूबाबा अशोक खरात सध्या तुरुंगात आहे. तुरुंगात त्याने नवा बिझनेस सुरु केला आहे. आता नेमकं त्याने काय केलं जाणून घ्या...
दैवी शक्ती असल्याचे भासवून शेकडो महिलांवर लैंगिक अत्याचार आणि आर्थिक फसवणुकीचे आरोप असलेल्या भोंदूबाबा अशोक खरातने जेलमध्येच नवा बिझनेस सुरू केल्याची धक्कादायक माहिती समोर आली आहे. हा बिझनेस ऐकून अनेकांना धक्का बसला आहे.
चार महिन्यांपासून नाशिक रोड मध्यवर्ती कारागृहात अंडरट्रायल कैदी म्हणून राहत असलेल्या खरातला जेलमध्ये मोठा दरारा असल्याचे सूत्रांनी सांगितले. जेल कर्मचारी आणि इतर कैदी त्याला भविष्य सांगण्यासाठी आणि त्याच्या ‘दैवी शक्ती’बद्दल प्रश्न विचारतात. मात्र, सतत होणाऱ्या या प्रश्नांमुळे वैतागलेल्या खरातने आता मौन धारण केले आहे.
जेल प्रशासनाने इतर कैद्यांकडून होणारा त्रास टाळण्यासाठी खरातला वेगळ्या बराकमध्ये ठेवले आहे. येथे त्याला इतर सामान्य कैद्यांप्रमाणेच वागणूक दिली जात आहे. त्याला कोणतीही व्हीआयपी सुविधा किंवा सुरक्षा देण्यात आलेली नाही.
सूत्रांच्या माहितीनुसार, अशोक खरात सकाळी पहाटे उठून ध्यान करतो आणि मोठ्याने मंत्रोच्चार करत विशेष साधना करतो. जेलमध्येही त्याची दिनचर्या आध्यात्मिक राहिली आहे.
खरातवर महिलांचे लैंगिक शोषण आणि कोट्यवधी रुपयांच्या आर्थिक गैरव्यवहाराचे गंभीर आरोप आहेत. त्याच्या अटकेनंतर अनेक नवीन पीडित समोर येत असून, तपासात आणखी धक्कादायक खुलासे होण्याची शक्यता आहे.
