कपाळावर चंद्रकोर असलेल्या ‘बादशहा’ बोकडाची शानच भारी, किंमत ऐकाल तर चाट पडाल…
येवला तालुक्यातील भारम येथे कपाळावर चंद्रकोर अर्थात चांद असलेल्या बादशहा बोकडाची जोरदार चर्चा सुरु आहे. मुस्लीम बांधवांचा पवित्र बकरी ईद जवळ आला आहे. त्यामुळे बादशहाला कितीची बोली लागणार याकडे पंचक्रोशीचे लक्ष लागले आहे.
नाशिक जिल्ह्यातील येवला तालुक्यात भारम येथे सध्या एका खास बोकडाची जोरदार चर्चा रंगली आहे. भारम येथील शेतकरी गजानन जेजुरकर यांच्याकडे असलेला “बादशाह” नावाचा काळा बोकड सध्या सर्वांचे लक्ष वेधून घेत आहे.
या “बादशाह” नावाच्या काळा बोकडाच्या कपाळावर नैसर्गिकरित्या उमटलेली पांढरी चंद्रकोर म्हणजेच “चांद” हे त्याचे वैशिष्ट्य ठरले आहे.त्यामुळे या बोकडाला पाहायला मोठी गर्दी होत आहे.
मुस्लिम बांधवांचा पवित्र बकरी ईद सण जवळ येत असल्याने बाजारात बोकडांना मोठी मागणी वाढली आहे.विशेषतः कपाळावर चंद्रकोर असलेल्या बोकडांना लाखोंची बोली लागत आहे. बादशहाला मोठा खुराक दिला जात आहे.
विशेषतः कपाळावर चंद्रकोर असलेल्या बोकडांना बकरी ईदच्या सणाला खूप महत्व येते. त्यांच्या किंमती अवाच्या सवा वाढलेल्या असतात.
अनेक ठिकाणी बकरी ईदला अशा चंद्रकोर असलेल्या बोकडांची 10 ते 15 लाख रुपयांपर्यंत भाव मिळतो.आता बातम्यांमुळे गजानन जेजुरकर यांनाही त्यांच्या “बादशाह” कडून मोठ्या अपेक्षा लागल्या आहेत.
