पैसे नसल्याने लाडका कुत्रा विकला, आज 3 ऑस्कर जिंकून सुपरस्टार बनला; मनाला चटके देणारा प्रवास
आम्ही 79 वर्षांच्या एका सुपरस्टार विषयी बोलत आहेत. ज्याला कठीण काळात पाळीव श्वान विकावा लागला. पण त्याचे जीवन पलटताच त्याने 40 डॉलरला विकेला कुत्रा 15000 डॉलर्स देऊन खरेदी केला.
फिल्म इंडस्ट्रीत पाऊल टाकणे जितके सोपे वाटते, तितके सोपे नसते. विशेषतः जेव्हा तुमचा लुक आणि आवाज इंडस्ट्रीने आधीच ठरवलेल्या नियमांमध्ये बसत नसेल. या स्टारला आपल्या करिअरच्या सुरुवातीला वारंवार रिजेक्शनचा सामना करावा लागला. कास्टिंग दिग्दर्शक त्याला पाहून हसत आणि स्पष्ट नकार देत. पण त्यांनी हार मानली नाही आणि सतत प्रयत्न करत राहिले. आज या स्टारला केवळ हॉलिवूडच नव्हे तर जगभर ‘अॅक्शनचा बादशाह’ म्हणून ओळखले जाते. या हिरोवर अशी परिस्थिती ओढावली होती की पाळीव श्वान 40 डॉलर्सला विकावा लागला होता.
आम्ही ज्या अभिनेत्याबद्दल बोलत आहोत ते दिग्गज अभिनेते सिल्वेस्टर स्टैलोन (Sylvester Stallone) आहेत, ज्यांना आपल्या आयुष्यात १००० हून अधिक वेळा रिजेक्शन सहन करावे लागले. स्टैलोनचे बालपणही सोपे नव्हते. जन्माच्या वेळी झालेल्या एका वैद्यकीय चुकांमुळे त्यांच्या चेहऱ्याच्या खालच्या भागातील नसेवर वाईट परिणाम झाला होता, ज्यामुळे त्यांचा चेहरा थोडा वाकडा दिसत असे आणि त्यांचा आवाजही वेगळा झाला होता. यामुळे सुरुवातीच्या काळात कोणीही त्यांना गंभीर अभिनेत्याच्या रूपात पाहत नव्हते.
सिल्वेस्टर स्टैलोनचा संघर्ष केवळ रिजेक्शनपर्यंत मर्यादित नव्हता. लहान वयातच त्याच्या आई-वडिलांचा घटस्फोट झाला होता. अडचणी इथेच संपल्या नाहीत. आई-वडील जिवंत असूनही त्यांना काही काळ अनाथाश्रमासारख्या ठिकाणी राहावे लागले. अभिनेत्याच्या आयुष्यात आर्थिक तंगी इतकी जास्त होती की, त्यांना अनेकदा न्यूयॉर्कच्या बस स्टँडवर रात्र काढावी लागली.
मग एक वेळ अशी आली, जेव्हा त्यांच्या गरोदर पत्नीला उपचाराची गरज होती, पण त्यांच्याकडे पैसे नव्हते. पुढे त्यांनी एक कठीण निर्णय घेत आपला आवडता बुलमास्टिफ कुत्रा बटकसला केवळ ४० डॉलरमध्ये विकले. कारण त्यांच्याकडे त्याला खाऊ घालण्यासाठी पैसे नव्हते. हा अभिनेत्याच्या आयुष्यातील सर्वात दुःखद काळ होता.
साल १९७५ मध्ये एक बॉक्सिंग सामना सिल्वेस्टर स्टैलोनच्या आयुष्याला पूर्णपणे बदलून टाकणारा ठरला. त्यांनी चक वेपनरला मुहम्मद अलीविरुद्ध लढताना पाहिले, ज्यात वेपनरने अलीला टक्कर दिली. या सामन्याने प्रेरित होऊन त्यांनी केवळ तीन दिवसांत फिल्म ‘रॉकी’ (Rocky) ची कथा लिहिली. स्क्रिप्ट तयार झाल्यानंतर अनेक स्टुडिओंनी ती खरेदी करण्यासाठी सुमारे ३,६०,००० डॉलरची ऑफर दिली.
पण अट होती की, मुख्य भूमिका दुसऱ्या एखाद्या अभिनेत्याला द्यायची, जसे रॉबर्ट रेडफोर्ड किंवा बर्ट रेनॉल्ड्स. स्टैलोनने यास स्पष्ट नकार दिला. त्यांना माहिती होते की रॉकी हा त्यांचेच पात्र आहे. एक साधा माणूस जो हार मानत नाही. स्टैलोनने सर्व सोडून स्वतःवर विश्वास ठेवला आणि शेवटी कमी बजेटमध्ये त्यांना लीड रोल मिळाला. १९७६ मध्ये रिलीज झालेल्या फिल्म ‘रॉकी’ने बॉक्स ऑफिसवर २२५ मिलियन डॉलरहून अधिक कमाई केली. या फिल्मला तीन ऑस्कर मिळाले. बेस्ट पिक्चर, बेस्ट डायरेक्टर आणि बेस्ट एडिटिंग. स्टैलोनला बेस्ट अभिनेता आणि बेस्ट ओरिजिनल स्क्रीनप्ले यासाठी नामांकन मिळाले. यश मिळाल्यानंतर स्टैलोनने सर्वप्रथम आपला कुत्रा बटकसला 15000 डॉलर देऊन परत विकत घेतला.
