Bhoot Bangla : ‘भूत बंगला’साठी अक्षय कुमारला तब्बूपेक्षा 20 पट अधिक मानधन; राजपाल-परेश रावल यांना किती?
'भूत बंगला' या चित्रपटाच्या निमित्ताने अक्षय कुमार आणि दिग्दर्शक प्रियदर्शन हे जवळपास 16 वर्षांनंतर एकत्र काम करत आहेत. याआधी दोघांनी हेराफेरी, भुलभुलैया, गरम मसाला, भागम भाग, दे दना दन यांसारख्या चित्रपटांसाठी एकत्र काम केलं होतं.
अक्षय कुमारचा 'भूत बंगला' हा चित्रपट आज (17 एप्रिल) थिएटरमध्ये प्रदर्शित झाला आहे. बऱ्याच वर्षानंतर दिग्दर्शक प्रियदर्शनसोबत तो काम करतोय. अक्षय कुमारसोबतच या चित्रपटात परेश रावल, राजपाल यादव, तब्बू, वामिका गब्बी, यांच्या भूमिका आहेत. 'भूत बंगला' या चित्रपटातील कलाकारांना त्यांच्या भूमिकांसाठी किती मानधन मिळालं, ते जाणून घेऊयात..
'कोइमोइ डॉट कॉम'ने दिलेल्या वृत्तानुसार, अक्षय कुमारने या चित्रपटासाठी त्याच्या मानधनात 28.5 टक्क्यांची कपात केली आहे. 'जॉली एलएलबी 3'साठी अक्षयने 70 कोटी रुपये मानधन स्वीकारलं होतं. तर आता 'भूत बंगला'साठी त्याला फक्त 50 कोटी रुपये मिळाले आहेत. असं असूनही तो चित्रपटातील सर्वांत महागडा कलाकार ठरला आहे.
अभिनेत्री तब्बूने या हॉरर कॉमेडी चित्रपटासाठी सर्वांत कमी मानधन घेतल्याचं कळतंय. तब्बूने 'औरों में कहां दम था' या चित्रपटातील भूमिकेसाठी तीन कोटी रुपये फी घेतली होती. आता 'भूत बंगला'साठी मात्र तिने अडीच कोटी रुपये स्वीकारले आहेत.
अभिनेत्री वामिका गब्बीने 'भूत बंगला' या चित्रपटासाठी तीन कोटी रुपये मानधन घेतलं आहे. गेल्या काही वर्षांत वामिकाच्या मानधनात बरीच वाढ झाली आहे. अनेक दिग्दर्शकांची ती पहिली पसंत ठरत आहे. तर दिग्गज अभिनेते परेश रावल यांना दोन कोटी रुपये मानधन मिळालं आहे.
अभिनेता राजपाल यादवला या चित्रपटासाठी दीड कोटी रुपये मानधन मिळालं आहे. तर जीशू सेनगुप्ताने एक कोटी रुपये स्वीकारले आहेत. 'भूत बंगला' या चित्रपटाचा एकूण बजेट 120 कोटी रुपये असून यात दमदार कलाकारांची फौज पहायला मिळतेय.
