Marathi News Photo gallery D Mart Reports 742 Crore Profit As Revenue Sees Strong Growth

D-Mart ला यंदा 742 कोटींचा नफा, उत्पन्नात मोठी उसळी; रिपोर्ट समोर येताच कळलं इतकं काय खरेदी करतात लोक

D-Mart ही ग्राहकांच्या दैनंदिन गरजांच्या वस्तूंसाठी लोकप्रिय असलेली रिटेल चेन आहे. कंपनीच्या ताज्या आर्थिक अहवालातील आकडेवारीमुळे तिच्या व्यवसायाची पुन्हा चर्चा सुरू झाली आहे. कंपनीच्या उत्पन्नात आणि नफ्यात वाढ झाल्याची माहिती समोर आली आहे.

D mart shars

Image Credit source: social Media

प्रिती वेद | Updated on: Oct 16, 2026 | 7:54 PM

: Avenue Supermarts Ltd. या कंपनीने आर्थिक वर्ष 2026-27 च्या दुसऱ्या तिमाहीत 742.98 कोटी रुपयांचा निव्वळ नफा नोंदवला आहे. मागील वर्षी याच तिमाहीत कंपनीचा नफा 684.85 कोटी रुपये होता. म्हणजेच वार्षिक तुलनेत कंपनीच्या नफ्यात 8.5% वाढ झाली आहे.

: जुलै ते सप्टेंबर या कालावधीत कंपनीचा ऑपरेटिंग महसूल 17.8% वाढून 19,644 कोटी रुपयांवर पोहोचला आहे. मागील वर्षी याच काळात हा महसूल 16,676.30 कोटी रुपये होता. कंपनीचा एकूण खर्चही वाढून 18,632.70 कोटी रुपयांवर गेला आहे.

: एप्रिल ते सप्टेंबर 2026 या पहिल्या सहामाहीत कंपनीचे एकूण उत्पन्न 38,477.85 कोटी रुपये झाल्याचे सांगितले आहे. मागील वर्षाच्या तुलनेत त्यात 16.47% वाढ नोंदवण्यात आली आहे. या आकडेवारीतून कंपनीच्या व्यवसायाचा विस्तार दिसून येतो.

: राधाकिशन दमानी आणि त्यांच्या कुटुंबीयांकडून प्रवर्तित या कंपनीचे स्टोअर्स अनेक राज्यांत आहेत. महाराष्ट्रासह गुजरात, कर्नाटक, तेलंगणा, तमिळनाडू आणि इतर बाजारपेठांमध्ये कंपनीचा व्यवसाय आहे. दिलेल्या अहवालानुसार, शुक्रवारी कंपनीचा शेअर 3,521 रुपयांवर बंद झाला होता.

: D-Mart मध्ये किराणा, खाद्यपदार्थ, स्वच्छतेच्या वस्तू आणि वैयक्तिक वापराच्या अनेक वस्तू मिळतात. सगळ्याच वस्तू खरेदी करण्यासाठी लोकं D-Mart मध्ये गर्दी करतात. महत्त्वाचं म्हणजे, सगळं काही चांगल्या दरात एकाच ठिकाणी घेता येतं म्हणून हे गृहिणींचं आवडतं खरेदी स्पॉट आहे. (येथे दिलेली शेअरची माहिती हे गुंतवणुकीबद्दलचे मत नाही. शेअर बाजारातील गुंतवणूक ही बाजारातील जोखमीच्या अधीन असल्याने, गुंतवणूक करण्यापूर्वी कृपया प्रमाणित गुंतवणूक सल्लागाराचा सल्ला घ्या. ही माहिती रिपोर्ट्स तसेच जुन्हा अहवालांच्या आधारावर आहे)