Multibagger Stock: महारत्न कंपनीच्या शेअरचा गोल्डन टाईम, गुंतवणूकदारांना लॉटरी
Defence stock: संरक्षण क्षेत्रातील या शेअरमध्ये 619 टक्क्यांची तेजी आली आहे. गेल्या महिन्यात या शेअरनने गुंतवणूकदारांना 35 रुपयांचा लाभांश दिला आहे. त्यामुळे या शेअरकडे सगळ्यांचं लक्ष लागलं आहे. कोणता आहे हा स्टॉक?
महारत्न डिफेन्स कंपनी हिंदूस्थान एअरोनॉटिक्स लिमिटेडच्या शेअरमध्ये तेजीचे सत्र आहे. या महारत्न कंपनीने गुंतवणूकदारांना तगडा परतावा दिला आहे. ही कंपनी सातत्याने डिव्हिडंडही देत आहे. गेल्या पाच वर्षांचा विचार करता या कंपनीच्या शेअरच्या किंमतीत 619 टक्क्यांची तेजी आली आहे.
हिंदूस्थान एयरोनॉटिक्स लिमिटेड ही एक दमदार कंपनी आहे. या कंपनीचे शेअर या वर्षी फेब्रुवारी महिन्यात एक्स डिव्हिडेंड ट्रेड झाले होते. कंपनीने गुंतवणूकदारांना 35 रुपयांचा डिव्हिडंड दिला होता. यापूर्वी कंपनीने गेल्या वर्षी गुंतवणूकदारांना 25 रुपयांचा लाभांश दिला होता.
या महारत्न कंपनीने 11 जानेवारी रोजी डिसेंबर तिमाहीचा निकाल जाहीर केला होता. कंपनीच्या माहितीनुसार, तिला ऑक्टोबर ते डिसेंबर 2025 या कालावधीत 1866,68 कोटींचा नफा झाला होता. वार्षिक आधारावर कंपनीला 29.64 टक्क्यांहून अधिकचा फायदा झाला. कंपनीला चांगला फायदा झाला आहे.
कंपनीला चालू आर्थिक वर्षाच्या तिसऱ्या तिमाहीत 7698.80 कोटी रुपयांचा महसूल मिळाला. वार्षिक आधारावर महसूलात 10.65 टक्क्यांहून अधिकचा महसूल मिळाला. एका वर्षांपूर्वीच्या समान तिमाहीत कंपनीला 69.57.31 कोटी रुपयांचा महसूल मिळाला होता. महसूल आणि नफ्यात या तिमाहीत कंपनी इतर महारत्न कंपन्यांपेक्षा आघाडीवर असल्याचे दिसते.
गेल्या सहा महिन्यात हिंदूस्थान एयरोनॉटिक कंपनीचा शेअर 10.69 टक्क्यांनी घसरला. पण एका वर्षाचा विचार करता स्थिर गुंतवणूकदारांना या कंपनीने 20.71 टक्क्यांचा जोरदार परतावा दिला आहे. सेन्सेक्स इंडेक्स या काळात 8.95 टक्क्यांनी वधारला. म्हणजे या शेअरने दुप्पट परतावा दिला आहे. शुक्रवारी हा महारत्न शेअर बीएसईवर 2.36 टक्क्यांनी घसरला. हा शेअर 3910.80 रुपयांवर बंद झाला.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
