Gas Cylinder Price : तुमच्यावर सर्वात मोठं संकट, युद्धामुळे गॅस सिलिंडरचा भाव प्रचंड वाढणार? चिंता वाढली!
सध्या इराण आणि इस्रायल यांच्यात युद्ध चालू झाले आहे. या युद्धाचा जगाने धसका घेतला आहे. तेल आणि नैसर्गिक वायूच्या किमती वाढण्याची शक्यता व्यक्त केली जात आहे.
इराण आणि इस्रायल यांच्यातील युद्धाचा भडका उडाला आहे. या युद्धात इराणचे मोठे नुकसान झाले आहे. अमेरिकनेही इराणवर हल्ला केले आहेत. या युद्धाने आता संपूर्ण जगाने धसका घेतला आहे. कारण या संघर्षामुळे इंधन पुरवठ्यावर मोठा परिणाम होण्याची शक्यता आहे.
आखाती देश हे जागतिक राजकारणात नेहमीच केंद्रस्थानी राहिलेले आहेत. या देशांकडे उर्जानिर्मितीसाठी लागणाऱ्या कच्च्या तेलाचा मोठा साठा आहे. याच आखाती देशांतून भारतासह जगभरातील अनेक देशांना नैसर्गिक वायू, कच्च्या तेलाचा पुरवठा होतो.
परंतु आता इराण आणि इस्रायल यांच्यातील युद्धामुळे या इंधनपुरवठ्याची साखळी बाधित होण्याची शक्यता आहे. इराणने कतार, सैदी अरेबिया, संयुक्त अरब अमिराती या देशांतील अमेरिकन लष्करी तळांवरही हल्ले केले आहेत. कतार हा एलएनजीची निर्यात करणारा जगातील सर्वात मोठा देश आहे. या देशावरही इराणने हल्ला केल्यामुळे युद्धाची भीषणता आणखी वाढू शकते.
भारतासह चीन हा देश कतारकडून एलएनजीची मोठ्या प्रमाणात खरेदी करतो. परंतु आता आखाती देशात हा संघर्ष पेटल्यामुळे भविष्यात भारतात गॅस सिलिंडरचा भाव वाढण्याची शक्यता आहे. कच्च्या तेलाची किंमत वाढल्यामुळे भविष्यात नैसर्गिक वायूदेखील महाग होऊ शकतो.
लवकर हे युद्ध संपुष्टात आले तर जगासाठी ही खूप चांगली बाब ठरेल. परंतु युद्ध लांबले तर उर्जेचं संकट निर्माण होण्याची शक्यता आहे. परिणामी भविष्यात घरगुती गॅस सिलिंडरचा भाव वाढण्याची शक्यता नाकारता येत नाही .
