दूध नव्हे तर विष पिताय? जास्त दूधासाठी म्हशींना बंदी असलेलं इंजेक्शन; FDA च्या कारवाईत धक्कादायक माहिती!
आतापर्यंत अनेक कंपन्या, दुकांनाचा परवानाच अन्न व औषध प्रशासन विभागाने रद्द केला आहे. विभागाच्या या कारवाईमुळे भेसळयुक्त खाद्यपदार्थांची विक्री करणाऱ्यांचे धाबे दणाणले आहे. दरम्यान, आता उल्हासनगरातून एक धक्कादायक आणि मोठी माहिती समोर येत आहे.
राज्याच्या अन्न व औषध प्रशासन विभागाकडून गेल्या काही दिवसांपासून मोठ्या कारवाया केल्या जात आहेत. अन्नपदार्थ केली जाणारी भेसळ, केमिकलयुक्त खाद्यपदार्थ विकणाऱ्या संस्था, कंपन्यांवर धाडी टाकल्या जात आहेत.
आतापर्यंत अनेक कंपन्या, दुकांनाचा परवानाच अन्न व औषध प्रशासन विभागाने रद्द केला आहे. विभागाच्या या कारवाईमुळे भेसळयुक्त खाद्यपदार्थांची विक्री करणाऱ्यांचे धाबे दणाणले आहे. दरम्यान, आता उल्हासनगरातून एक धक्कादायक आणि मोठी माहिती समोर येत आहे.
मिळालेल्या माहितीनुसार अन्न व औषध प्रशासन विभागाने उल्हासनगरात मोठी कारवाई केली आहे. या कारवाईत म्हशींनी जास्त दूध द्यावे म्हणून बंदी असलेले इंजेक्शन दिले जात असल्याची धक्कादायक माहिती समोर आली आहे.
म्हशींनी जास्त दूध द्यावे म्हणून म्हशींना जादा दूधासाठी ऑक्सिटोसीनचा डोस दिला जात होता. एफडीएने छापामेरी केल्यावर उल्हासनगरात संबंधित ठिकाणी तब्बल 612 ऑक्सिटोसीनचे इंजेक्शन सापडले आहेत. हे इंजेक्शन प्रतिबंधित आहेत.
दरम्यान, आपण एकदम शुद्ध म्हणून जे दूध खातो, ते खरंच शुद्ध आहे का? म्हशींना इंजेक्शन देऊन जास्त दूध उत्पादन केले जात असेल तर ते दूध आरोग्यासाठी किती सुरक्षित असाही, सवाल उपस्थित केला जातोय.
