तर ते मेल्याचं कुणालाही कळलं नसतं… भर समुद्रात काळ आला, पण… देवगडच्या समुद्रात बोट बुडाली
Devgad Boat Accident: सिंधुदुर्ग जिल्ह्यातील देवगड समुद्रात एक बोट बुडाली आहे. ही बोट बंदरात परतत होती. वादळी वाऱ्याच्या तडाख्यात सापडल्याने बोट बुडाली. पण सुदैवाने कोणतीही जीवितहानी झालेली नाही.
1 / 5
सिंधुदुर्ग जिल्ह्यातील देवगड समुद्रात मच्छिमारी करून बंदरात परतत असताना "अलमका" ही पर्ससीन नौका वादळी वाऱ्याच्या तडाख्यात सापडून समुद्रात बुडाली.
2 / 5
या नौकेवर तांडेलासह सुमारे १५ ते २० खलाशी होते. वाऱ्याचा वाढलेला वेग आणि उंच लाटांमुळे नौकेचा तोल जाऊन ही दुर्घटना घडली.
3 / 5
ही घटना मिठमुंबरी ते देवगड पवनक्कीसमोरील समुद्री पट्ट्यात घडल्याची माहिती मिळाली आहे.
4 / 5
दरम्यान, संकटात सापडलेल्या खलाशांनी मदतीसाठी हाक दिल्यानंतर परिसरातील स्थानिक मच्छिमार तत्काळ घटनास्थळी दाखल झाले. त्यांनी बचावकार्य राबवत सर्व खलाशांना सुरक्षित किनाऱ्यावर आणण्यात यश मिळवले.
5 / 5
सुदैवाने जीवितहानी टळली असली तरी संपूर्ण नौका समुद्रात बुडाल्याने कोट्यवधी रुपयांचे आर्थिक नुकसान झाले आहे. घटनेमुळे मच्छिमारांमध्ये हळहळ व्यक्त होत आहे
Follow Us
