Jalgaon Gold And Silver Price : गेल्या 48 तासात महागाईचे तुफान, सोने-चांदीची हनुमान उडी, काय आहेत किंमती?
Jalgaon Sarafa Bazar Gold-Silver Rate : जळगावच्या सराफा बाजारात सोने आणि चांदीने हनुमान उडी घेतली आहे. सलग दुसऱ्या दिवशी मौल्यवान धातुने मोठी भरारी घेतल्याने ग्राहकांच्या तोंडचे पाणी पळाले. आता काय आहेत दोन्ही धातुच्या किंमती?
जळगावच्या सराफ बाजारात सलग दुसऱ्या दिवशी सोन्या आणि चांदीच्या दरात मोठी वाढ झाली. सोन्याचे दर सव्वा लाखांच्या उंबरठ्यावर पोहचले.
सोन्याच्या दरात तब्बल 1 हजार रुपये तर चांदीच्या दरात तब्बल 500 रुपयांनी वाढ झाली आहे.
सोन्याचे दर जीएसटीसह 1 लाख 24 हजार 100 रुपयांवर तर चांदीचे दर जीएसटीसह 1 लाख 54 हजार 500 रुपयांवर पोहोचले आहे.
गेल्या 48 तासात सोन्याच्या दरात अडीच हजार रूपयांनी तर आणि चांदीच्या दरात तीन हजार रुपयांनी वाढ झाली आहे.
जळगावच्या इतिहासात पहिल्यांदाच सोन्याचे दर सव्वा लाख रूपयांच्या उंबरठ्यावर पोहोचले असून तर चांदीच्या दराने 1 लाख 54 हजारांचा टप्पा पार केला आहे.
इतिहासात पहिल्यांदाच सोने आणि चांदीचे दर हे एक सारख्याच पद्धतीने सलग वाढत असल्याचा देखील चित्र जळगावच्या सराफ बाजारात पाहायला मिळत आहे.
सोन्याच्या दारात आणखी मोठी वाढ होईल असा अंदाज सराफ व्यावसायिकांनी व्यक्त केला आहे.
सोन्याने चांदीच्या वाढलेल्या दरामुळे दिवाळीच्या मुहूर्तावर सोना खरेदी करणाऱ्या ग्राहकांच्या खिशाला मोठी कात्री बसणार आहे
फ्रान्सच्या राजकारणात घडलेल्या घडामोडी, याबरोबरच आंतरराष्ट्रीय बाजारातील सोन्यात वाढलेली गुंतवणूक ही सोन्याने चांदीच्या दरवाढी मागचे प्रमुख कारण असल्याचा सराफ व्यावसायिक यांचे म्हणणं आहे
