Gold Rate : सोने-चांदीच्या भावात मोठा बदल, नवे दर जाहीर; एका तोळ्यासाठी मोजावे लागणार…
Gold Silver Rate Today : गेल्या काही काळापासून सोने आणि चांदीच्या दरात मोठे बदल होताना पहायला मिळत आहेत. आत सोने आणि चांदीच्या दरात वाढ नोंदवण्यात आली आहे. आज एक तोळा सोन्यासाठी किती रुपये मोजावे लागणार ते जाणून घेऊयात.
मध्यपूर्वेतील युद्धामुळे जागतिक पातळीवर सोने आणि चांदीच्या दरात सतत बदल होत आहेत. याचा परिणाम देशांतर्गत सराफा बाजारावरही पहायला मिळत आहे.
जळगावच्या सराफ बाजारात सोन्याच्या आणि चांदीच्या दरात वाढ झाली आहे. सोन्याच्या दरात प्रतितोळा 1 हजार रुपये, तर चांदीच्या दरात प्रतिकिलो 5 हजार रुपयांची वाढ झाली आहे.
जळगाव सराफा बाजारात सोन्याच्या दरात 1 हजार रूपयांनी वाढ होऊन ते जीएसटीसह प्रतितोळा 1 लाख 55 हजार 15 रुपयांवर पोहोचले आहेत. यामुळे सोने खरेदीदारांची चिंता वाढली आहे.
जळगाव सराफा बाजारात चांदीच्या दरातही प्रतिकिलो 5 हजार रुपयांची वाढ झाली आहे. चांदीचे दर जीएसटीसह प्रतिकिलो 2 लाख 52 हजार 350 रुपयांवर पोहोचले आहेत.
दरम्यान, इराण आणि अमेरिका यांच्यातील युद्धविरामाची घोषणा झाल्यानंतर सोन्या चांदीच्या दरात गेल्या दोन ते तीन दिवसापासून चढ उतार सुरू आहे. त्यामुळे गुंतवणूकदारांची चिंता वाढली आहे.
