प्लास्टिकच्या बाटल्या काचेसारख्या चमकतील, फक्त हे 5 घरगुती उपाय करून पहा
काचेची बाटली फुटेल याच भीतीने अनेक जण प्लस्टिकची बाटली वापरतात. पण प्लास्टिकचा वापर टाळण्याचा सल्ला डॉक्टर देखील देतात. पण तुम्ही प्लास्टिक देखील काचेप्रमाणे चमकऊ शकता... त्यासाठी जाणून घ्या खास टीप्स
लिंबू आणि मिठामुळे देखील बॉटली स्वच्छ होऊ शकते. लिंबामध्ये नैसर्गिक ब्लीचिंग गुणधर्म असतात. जे घाण काढण्यासाठी उत्तम ठरतात. यासाठी, एका लिंबाचा रस एका बाटलीत पिळून घ्या आणि त्यात 1 ते 2 चमचे मीठ आणि थोडे कोमट पाणी घाला. ते काही मिनिटं तसेच राहू द्या. त्यानंतर स्वच्छ पाण्याने ते पूर्णपणे धुवा.
टिश्यू पेपर आणि बेकिंग सोडा देखील उपयोगी ठरेल. टिश्यू पेपरचे 2 ते 3 लहान तुकडे कापून एका पिवळ्या बाटलीत टाका. त्यात 1 चमचा बेकिंग सोडा, डिशवॉशिंग लिक्विडचे काही थेंब आणि अर्धा कप कोमट पाणी घाला. बाटलीचे झाकण लावून चांगलं हलवा. नंतर स्वच्छ पाण्याने धुवा.
बेकिंग सोडा आणि व्हिनेगरचा वापर करा. एका भांड्यात 2 मोठे चमचे बेकिंग सोडा आणि 2 मोठे चमचे पांढरे व्हिनेगर मिसळा. हे मिश्रण एका पिवळ्या बाटलीत ओता, त्यात कोमट पाणी भरा आणि 15 ते 20 मिनिटे तसेच राहू द्या. बाटली जोरात फिरवा आणि स्वच्छ पाण्याने धुवा.
डिशवॉशिंग लिक्विड आणि तांदूळ देखील उपयोगी ठरेल. बाटलीत थोडे डिशवॉशिंग लिक्विड, कोमट पाणी आणि 2 मोठे चमचे तांदळाचे दाणे घाला. नंतर बाटलीचे झाकण लावून ते चांगले फिरवा. यामुळे पिवळेपणा निघून जाऊ शकतो.
हायड्रोजन पेरॉक्साइड उत्तम ठरेल. बाटल्यांवरील पिवळे डाग काढण्यासाठी तुम्ही हायड्रोजन पेरॉक्साइडचा वापर देखील करू शकता. एका बाटलीत थोडे हायड्रोजन पेरॉक्साइड आणि पाणी मिसळा आणि काही मिनिटे तसेच राहू द्या. त्यानंतर ब्रशने घासून स्वच्छ करा.
