काळ आला होता पण वेळ आली नव्हती! भलंमोठं झाड कारवर पडलं, आश्चर्यकारकरीत्या चालक बचावला
Tree Collapse on Balino Car : ही घटना इतकी भीषण होती की यामध्ये कारची काच, दरवाजा आणि छत यांचा अक्षरशः चेंदामेंदा झाला आहे. निळ्या रंगाच्या बलिनो कारचं यात प्रचंड नुकसान झालंय.
कोल्हापुरात जिल्हाधिकारी कार्यालयासमोर भलंमोठं झाड एका कारवर पडलं. यामध्ये काकचं तर प्रचंड मोठं नुकसान झालं आहे.
भीषण बाब म्हणजे ज्यावेळी भलंमोठं झाड कारवर पडलं, तेव्हा एक ज्येष्ठ नागरीक असलेला कारचालक गाडीच्या आतमध्येच होता. कारवर झाड पडून चालकाला जबर मार लागला.
झाड पडल्यानंतर एकच गोंधळ उडाला होता. यानंतर रक्तबंबाळ झालेल्या कार चालकाला बाहेर काढण्यासाठी स्थानिकांनी शर्थीचे प्रयत्न सुरु केला.
कारच्या वर झाड पडून कारचं टप पूर्णपणे चेपलं होतं. तर दुसरीकडे कारमधून जखमी चालकाला बाहेर कसं काढायचं, अशाही प्रश्न काही काळ लोकांना पडला होता.
कोल्हापुरातील जिल्हाधिकारी कार्यालयासमोह ही धक्कादायक घटना घडली. मारुती सुझुकी कंपनीच्या बलिनो कारवर भलंमोठं झाड पडलं होतं.
दरम्यान, झाड कोसळल्याचं कळल्यानंतर तातडीनं पोलीस आणि अग्निशमन दलालाही कळवण्यात आलं. यानंतर पोलिसांसह अग्निशमन दल आणि आपत्ती व्यवस्थापनाचं पथही घटनास्थळी दाखल झालं होतं.
या दुर्घटनेमध्ये कारमधील चाल चंद्रकांत देसाई हे गंभीर जखमी झाले आहेत. त्यांच्या हाताला आणि डोक्याला मार लागला असून ते रक्तबंबाळ झाले होते. चंद्रकांत देसाईन हे उचगाव येथील राहणारे असल्याची माहिती समोर आली आहे.
ही घटना इतकी भीषण होती की यामध्ये कारची काच, दरवाजा आणि छत यांचा अक्षरशः चेंदामेंदा झाला आहे. निळ्या रंगाच्या बलिनो कारचं यात प्रचंड नुकसान झालंय.
भलंमोठं झाड पडल्यामुळे MH 09 DX 7001 या नंबरच्या कारची काच आणि पुढची बाजू यांना मोठा फटका बसला.झाड पडल्यानंतर उपस्थित लोकांनी अक्षरशः गाडीच्या टपावर चढून कारचालकाला वाचवण्यासाठी प्रयत्न केले.
