Iran Currency: भारताच्या 100 रुपयांमध्ये इराणमध्ये काय काय विकत घेता येऊ शकते?
Iranian Rial: अमेरिका-इस्त्रायल युद्धाने इराणचे कंबरडे मोडले आहे. इराणचे सर्वोच्च नेते अयातुल्ला खोमेनी मारल्या गेले. गेल्या काही दिवसांपासून इराणच्या चलनाचे मूल्य घसरले आहेत. आता 100 रुपयांमध्ये इराणमध्ये काय काय विकत घेता येईल?
Iranian Rial: कालपर्यंत इराण अमेरिकेला चांगलाच नडणार असे वाटत होते. पण त्यांचे सर्वोच्च नेते अयातुल्ला खोमेनी ठार झाल्याने इराण अजून किती दिवस युद्धाचे ओझे सोसणार हा खरा प्रश्न आहे. गेल्या काही दिवसात इराणच्या चलनाचे मूल्य घसरले आहे. आता 100 रुपयांमध्ये इराणमध्ये काय काय विकत घेता येईल?
कालपासून इस्त्रायल आणि अमेरिकेने इराणवर क्षेपणास्त्रांचा पाऊस पाडला. त्याला इराणने जोरदार प्रत्युत्तर दिले. इराणने शेजारील आठ देशांमधील अमेरिकेच्या लष्करी, नौदलाच्या तळावर क्षेपणास्त्र डागले. सौदी अरबमध्ये तर इराणने तुफान हल्ला चढवला.
सध्या मध्य-पूर्वेतील या नवीन टेन्शनमुळे खनिज तेलाच्या किंमती आणि चलनांचे मूल्य बदलण्याची दाट शक्यता आहे. अमेरिकेला इराणमधील तेल साठ्यांवर नियंत्रण मिळवायचे आहे. त्यासाठी इस्त्रायलच्या मदतीने हे हल्ले केले जात असल्याचा दावा करण्यात येत आहे. पण यामुळे इराणच्या चलनाचे मूल्य खूप घसरले आहे.
इराणचे अधिकृत चलन हे इराणी रियाल आहे. युद्धाचे ढग गेल्या काही दिवसांपासून गडद झाल्याने आणि या देशावर विविध आर्थिक निर्बंध लादल्याने इराणी रियालचे मूल्य जागतिक स्तरावर अत्यंत घसरले आहेत. या घाडमोडींमुळे भारतीय रुपया इराणमध्ये अधिक मौल्यवान ठरला आहे.
मार्च महिन्यातील ताज्या विनिमय दरानुसार, 1 भारतीय रुपया 14,434 इराणी रियाल इतका आहे. या हिशोबाने 100 भारतीय रुपये, 1443430.51 इराणी रियाल इतका आहे. म्हणजे आपल्याकडे शंभर रुपये तिकडे 14 लाखांहून अधिक रियाल होतात. अर्थात हा विनिमय दर दिवसागणिक बदलू शकतो.
इराणमध्ये 1 लिटर दूध 5,00,000 रियाल म्हणजे भारतीय रुपयात 35 रुपये लिटर आहे. 1 डझन अंडी 7,00,000 ते 8,00,000 रियाल म्हणजे 50 ते 55 रुपये इतकी आहे. तर एक पाव 1,50,000 रियाल म्हणजे 10 रुपयांमध्ये मिळतो. म्हणजे शंभर रुपयात तीन वस्तू तिथं खरेदी करता येतात. तर एक लिटर पेट्रोल हे 10 रुपयांच्या आत आहे.
