कोलेस्ट्रॉल रिपोर्ट नॉर्मल, तरी येऊ शकतो हार्ट अटॅक, या लक्षणांकडे अजिबात नका करू दुर्लक्ष!
आपल्या शरीरात कोलेस्ट्रॉलचे प्रमाण योग्य आहे की नाही, याची आपण तपासणी करतो. त्यानंतर रक्ताच्या तपासणीचा रिपोर्ट नॉर्मल आला की आता आपल्याला हृदयविकाराचा झटका येणार नाही, असे आपल्याला वाटते.
आजकाल धकाधकीच्या जीवनामुळे अनेकांना आरोग्याकडे लक्ष देणं शक्य होत नाही. काही लोकांना तर रोजचा व्यायामही करायला जमत नाही. त्यामुळे आजकाल शरीरात कोलेस्ट्रॉल वाढून हृदयविकाराचा झटका येण्याच्या प्रकरणांत वाढ झाली आहे.
आपल्या शरीरात कोलेस्ट्रॉलचे प्रमाण योग्य आहे की नाही, याची आपण तपासणी करतो. त्यानंतर रक्ताच्या तपासणीचा रिपोर्ट नॉर्मल आला की आता आपल्याला हृदयविकाराचा झटका येणार नाही, असे आपल्याला वाटते.
अलिकडेच असे काही प्रकरण समोर आलेले आहेत, ज्यांच्या कोलेस्ट्रॉल रिपोर्टमध्ये कोणताही धोका नव्हता तरी त्यांना हृदयविकाराचा झटका आला होता. त्यामुळेच आता डॉक्टर फक्त LDL, HDL आणि ट्रायग्लिसराइड्स या घटकांसोबतच इतरही महत्त्वाच्या बाबींकडे लक्ष देतात.
डॉक्टरांच्या मते शरीरात Lipoprotein(a) म्हणजेच Lp(a) नावाचा एक खास कण असतो. हा कण LDL म्हणजेच बॅड कोलेस्ट्रॉलप्रमाणेच दिसतो. या कणावर एक अतिरिक्त प्रोटीन जोडलेला असतो. या घटकामुळे रक्तावहिन्यात चरमी जमा होण्याची प्रक्रिया अधिक वेगाने होते.
सामान्य लिपीड प्रोफाईल टेस्टमध्ये Lipoprotein(a) या घटकाचे प्रमाण किती आहे, हे समजत नाही. त्यामुळेच रिपोर्ट तर सामान्य येतात. परंतु भविष्यात हृदयविकाराचा झटका येण्याची शक्यता मात्र कायम असते. त्यामुळेच योग्य काळजी घ्यावी, असे आवाहन केले जाते. (टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
