ईशा अंबानीच्या नव्या फोटोशूटची चर्चा, लेहेंग्यातून घडतंय भारतीय संस्कृतीचं दर्शन; फोटो पाहाच
ईशा अबानीच्या नव्या लूकची सध्या सर्वत्र चर्चा आहे. या लूकमध्ये असं काय खास आहे? नेटकऱ्यांचं लक्ष वेधून घेतलेल्या या फोटोशूटमधील तिचा ड्रेस हा प्रसिद्ध स्टायलिस्ट अनायता श्रॉफ अदजानिया यांनी बनवला आहे.
ईशा अंबानीचा एक नवा लूक सध्या सोशल मीडियावर व्हायरल झाला आहे. नवरात्रीनिमित्त तिने हा लूक केला आहे.
देशाचे सर्वात चर्चित उद्योगपती मुकेश अंबानी आणि नीता अंबानी यांची मुलगी इशा नेहमी चर्चेत असते. तिला आता एका नव्या लूकमध्ये पाहून नेटकरी तिचं कौतुक करत आहेत.
खास आणि सुंदर लूकमुळे ती प्रचंड आकर्षक दिसत असून प्रसिद्ध स्टायलिस्ट अनायता श्रॉफ अदजानिया यांनी ईशा अंबानीचे हे सुंदर फोटो सोशल मीडियावर शेअर केले आहेत.
ईशाचा हा लूक स्वदेश या तिच्या ब्रँडच्या पहिल्या वर्धापन दिनानिमित्त केला आहे. या वेशामध्ये तिने या कार्यक्रमाला उपस्थिती लावली.
या लूकमध्ये खास भारतीय हस्तकलेचा मिलाफ पहायला मिळतो आहे. पारंपरिक कलाकुसर आणि संस्कृतीचा अप्रतिम संगम मनाला मोहून टाकत आहे. लेहेंग्यावर पिचवाई कलाकारी अन् राधाकृष्णाच्या पौराणिक कथांचे रेखाटन करण्यात आलं आहे.
तिच्या चोळीवर टिकल्या, काचेचे काम आणि भरतकामासह नक्षीकामाचा उत्कृष्ट नमूना पाहायला मिळतो आहे. पारंपरिक भारतीय संस्कृतीचा वारसा जपणारा हा तिचा ड्रेस सध्या नेटकऱ्यांना भावून गेला आहे. (सर्व फोटो साभार-अनायता श्रॉफ अदजानिया इन्स्टाग्राम)
