Jalna Photo | चुलीवर पोळ्या भाजून महागाईचा निषेध, जालन्यात शिवसेनेचे केंद्र सरकारविरोधात आंदोलन
जालना | शिवसेनेच्या वतीने जालन्यात केंद्रसरकार विरोधात आंदोलन करण्यात आले आहे. घरगुती गॅस, पेट्रोल-डिझेल, रासायनिक खतांचा भवावाढी हे आंदोलन करण्यात आले आहे.
जालन्यात शिवसेनेच्या वतीने वाढत्या महागाईचा निषेध करण्यात आला. शिवसैनिक महिलांनी यावेळी चुलीवर पोळ्या भाजून केंद्र सरकारचा निषेध केला.
केंद्र सरकारविरोधातील या आंदोलनात शिवसेना नेते अर्जुन खोतकर यांच्यासह अनेक शिवसैनिक हजर होते. यावेळी केंद्र सरकारच्या विरोधात शिवसैनिकांनी घोषणाबाजी केली.
केंद्र सरकारने इंधनातील दरवाढीविरोधात काहीतरी ठोस पाऊले उचलावीत, अशी मागणी आंदोलकांनी केली आहे. जालन्यातील शिवसेनेच्या महिला आघाडीच्या अनेक कार्यकर्त्यांनी या आंदोलनात सहभाग नोंदवला.
जीवनावश्यक वस्तूंची दरवाढ कमी न झाल्यास शिवसेनेच्या वतीने तीव्र आंदोलन छेडण्यात येईल असा इशारा या वेळी अर्जुन खोतकर यांनी दिला आहे. औरंगाबादमध्येदेखील काल शिवसेनेने क्रांती चौकात महागाईविरोधात आंदोलन केले.
जालन्यात शिवसेनेने केंद्र सरकारच्या विरोधात यावेळी घोषणाबाजी केली. आकाशाला भिडलेल्या गॅस आणि इंधनाच्या दरांवर सरकारने तत्काळ उपाययोजना करावी, अशी मागणी त्यांनी यावेळी केली.