28 वर्ष जुनं रोमँटिक गाणं, अर्ध मल्याळम तर अर्ध हिंदीत, तुफान गाजलं मात्र लता मंगेशकरांनी स्टुडिओमध्येच…
लता मंगेशकर यांचे 28 वर्षांपूर्वीचे रोमँटिक गाणे आजही लोकप्रिय आहे. विशेष म्हणजे, या गाण्यात 34 सेकंद मलयाळम भाषेतील बोल ऐकायला मिळतात. शाहरुख खान आणि प्रीती झिंटा यांच्या ‘दिल से’ चित्रपटातील हे गाणे हिंदी प्रेक्षकांच्या पसंतीस उतरले आहे.
1998 मध्ये प्रदर्शित झालेल्या ‘दिल से’ चित्रपटातील या गाण्यात लता मंगेशकर आणि एम. जी. श्रीकुमार यांचे स्वर आहेत. गुलजार यांनी हिंदी बोल लिहिले, तर मलयाळम बोल गिरीश पुथेनचेरी यांनी लिहिले. ए. आर. रहमान यांनी संगीत दिले.
मलयाळम बोलांमुळे या गाण्याला वेगळी ओळख मिळाली आहे. आजही अनेक चाहते हे गाणे आवडीने ऐकतात. रोमँटिक वातावरणात या गाण्याची आठवण आवर्जून काढली जाते.
लता मंगेशकर यांनी आपल्या कारकिर्दीत अनेक भाषांमध्ये गाणी गायली. त्यांच्या आवाजाने अनेक पिढ्यांच्या मनावर छाप पाडली. त्यामुळे त्यांची गाणी आजही लोकप्रिय आहेत.
गुलजार यांनी माध्यमांसोबतच्या संवादात या गाण्याच्या रेकॉर्डिंगचा अनुभव सांगितला. त्यावेळी लता मंगेशकर यांना स्टुडिओमध्ये एकटेपणा जाणवला होता. समोर ओळखीचा चेहरा नसल्याने त्यांना गाणे गाताना अस्वस्थ वाटले.
गुलजार यांच्या मते, लता मंगेशकर यांनी विचारले, “मुझे अपने सामने कोई दिखाई नहीं दे रहा. मैं किसके लिए गा रही हूं? मुझे बहुत अजीब लग रहा है क्योंकि किसी के साथ कोई संपर्क ही नहीं है.” हा अनुभव या गाण्याच्या रेकॉर्डिंगमागील एक महत्त्वाचा किस्सा ठरला.
