अबबबबबबब… नोटाच नोटा! नागपुरात हवालाचा पैसा सापडला, मोजता-मोजता दमछाक
नागपूर परिमंडळ तीनचे पोलीस उपायुक्त गजानन राजमाने यांच्या पथकाने शुक्रवारी रात्री कोतवाली पोलीस ठाण्याच्या हद्दीत एका अपार्टमेंटमध्ये छापा घालत तब्बल 4 कोटी रुपयांची रोकड जप्त केली आहे. पोलिसांनी येथे तीन हवाला व्यावसायिकांना ताब्यात घेतले.
नागपूर पोलिसांनी मोठी कारवाई करत तब्बल 4 कोटी रुपयांची रोकड जप्त केली आहे. ही रक्कम हवालाची असल्याचे पोलिसांच्या प्राथमिक तपासणीतून उघड झालंय.
पोलिसांच्या पथकाने धाड टाकून ही रक्कम जप्त केली. तब्बल 4 कोटी 20 लाख रुपयांची रोकड हस्तगत करण्यात आली आहे
नागपूर परिमंडळ तीनचे पोलीस उपायुक्त गजानन राजमाने यांच्या पथकाने शुक्रवारी रात्री कोतवाली पोलीस ठाण्याच्या हद्दीत एका अपार्टमेंटमध्ये छापा घातला.
पोलिसांनी येथे तीन हवाला व्यावसायिकांना ताब्यात घेतले. या घटनेनं शहरातील व्यापाऱ्यांमध्ये खळबळ उडाली आहे.
हा पैसा गोंदिया येथून आला होता. नागपूर आणि आसपासच्या व्यापाऱ्यांकडे तो जाणार होता, असं बोललं जात आहे.
या कारवाईमुळे शहरातील हवाला व्यावसायिकांमध्ये प्रचंड खळबळ निर्माण झाली आहे. नेहाल सुरेश वडालिया, वर्धमान विलासभाई पच्चीकार आणि शिवकुमार हरिशचंद दिवानीवाल अशी आरोपींची नावे आहेत.