Weather Alert: महाराष्ट्रात पुढील 24 तासत हवामानाचा खेळ बदलणार; कुठे पाऊस, तर कुठे उन्हाचा तडाखा!
महाराष्ट्रात 24 ऑक्टोबर रोजी कुठे पाऊस तर कुठे उन्हाचा तडाखा जाणवण्याची शक्यता आहे? जाणून घ्या मुंबई, कोकण, पश्चिम महाराष्ट्र, मराठवाडा आणि विदर्भातील हवामानाचा ताजा अंदाज.
महाराष्ट्रात सध्या काही भागांत पावसाचे वातावरण आहे, तर अनेक जिल्ह्यांमध्ये उन्हाचा तडाखा जाणवत आहे. कुठे हलक्या सरी पडण्याची शक्यता आहे, तर कुठे उष्ण आणि कोरडे हवामान कायम राहू शकते. 24 ऑक्टोबर रोजी राज्यातील सहा विभागांमध्ये हवामान कसे राहण्याची शक्यता आहे, ते जाणून घ्या.
मुंबई, ठाणे, पालघर आणि रायगडमध्ये उष्ण व कोरडे हवामान राहण्याची शक्यता आहे. रत्नागिरी आणि सिंधुदुर्गमध्ये काही ठिकाणी हलक्या पावसाच्या सरी पडू शकतात. उन्हाचा त्रास टाळण्यासाठी नागरिकांनी दुपारच्या वेळी काळजी घ्यावी.
नाशिक, धुळे, जळगाव आणि नंदुरबारमध्ये हवामान प्रामुख्याने कोरडे राहण्याचा अंदाज आहे. पावसाची शक्यता कमी असल्याने तापमानात वाढ जाणवू शकते. पुढील काही दिवसही या भागात उष्ण हवामान राहण्याची शक्यता आहे.
पश्चिम महाराष्ट्रातील काही जिल्ह्यांमध्ये हलक्या ते मध्यम पावसाच्या सरी पडू शकतात. कोल्हापूर आणि साताऱ्याच्या घाट परिसरात पावसाची शक्यता अधिक आहे. मात्र, इतर भागांत हवामान कोरडे राहण्याचा अंदाज आहे.
मराठवाड्यातील बहुतांश जिल्ह्यांमध्ये सध्या कोरडे हवामान राहण्याची शक्यता आहे. पावसाचे प्रमाण कमी असल्याने पाणीटंचाईची समस्या काही भागांत जाणवू शकते. शेतकरी आणि नागरिकांचे लक्ष आता पुढील पावसाच्या अंदाजाकडे लागले आहे.
नागपूर, अमरावती, अकोला, बुलढाणा आणि चंद्रपूरसह अनेक जिल्ह्यांत हवामान कोरडे राहू शकते. काही ठिकाणी तापमान 35 ते 36 अंश सेल्सिअसपर्यंत जाण्याची शक्यता आहे. त्यामुळे नागरिकांनी उन्हात बाहेर पडताना पाणी सोबत ठेवावे आणि काळजी घ्यावी.
24 ऑक्टोबर रोजी राज्याच्या काही भागांत पावसाच्या सरी, तर अनेक ठिकाणी उन्हाचा चटका जाणवू शकतो. कोकण आणि पश्चिम महाराष्ट्रातील काही भागांत पावसाची शक्यता असून, मराठवाडा व विदर्भात कोरडे हवामान राहू शकते. हवामानात बदल होण्याची शक्यता लक्षात घेऊन नागरिकांनी स्थानिक हवामान विभागाच्या सूचनांकडे लक्ष द्यावे.
