चार चिमुकल्यांवर काळाचा घाला, शाळेतून येताना खड्ड्यात बुडून मृत्यू
नांदेड शहरातील देगलूर नाका भागात इस्लामपुरा भागात एक धक्कादायक घटना घडली आहे. येथे खोदकाम केलेल्या खड्ड्यात बुडून चार चिमुकल्या मुलांचा मृत्यू झाला आहे. ही घटना समोर आल्यानंतर सर्वत्र हळहळ व्यक्त केली जात आहे.
नांदेड शहरातील देगलूर नाका भागात इस्लामपुरा भागात एक धक्कादायक घटना घडली आहे. येथे खोदकाम केलेल्या खड्ड्यात बुडून चार चिमुकल्या मुलांचा मृत्यू झाला आहे. ही घटना समोर आल्यानंतर सर्वत्र हळहळ व्यक्त केली जात आहे.
मिळालेल्या माहितीनुसार इस्लामपुऱ्यातील एमजीआर फँक्शन हॉलच्या पाठीमागील भागात खोदून ठेवलेल्या खड्ड्यात पाणी साचले होते. त्यात बुडून चार शाळकरी मुलांचा मृत्यू झाला. शाळा सुटल्यानंतर ही मुलं घरी जात होती.
परंतु अचानक पाय घसरून एक मुलगा त्या खड्ड्यात पडला. त्यानंतर इतरही तीन मुले पाण्यात पडली. खड्ड्यातील पाणी खोल होते. खड्ड्यात चिखलही होता. या चिखलात चार मुलं फसली आणि त्यांचा मृत्यू झाला.
ही चारही मुलं आठ ते 12 वयोगटाची आहेत. या भागात महापालिकेकडून खासगी कंत्राटदारामार्फत नाल्याचे काम सुरु आहे. बाजूला प्लॉटिंग आहे. महोमद अली, महोमद फुरखान, महोमद अदनान, महोमद रेहान अशी मयत मुलांची नावे आहेत.
फूरखान आणि अदनान हे दोघे सख्खे भाऊ असल्याची माहिती आहे. दरम्यान, या घटनेची सखोल चौकशी व्हावी, खड्डा खोदणाऱ्यावर कारवाई व्हावी अशी मागणी केली जात आहे.
