विनेश फोगाटच नाही तर हे ऑलम्पिक विजेते खेळाडू देखील निवडणूक जिंकले होते, पाहा कोण ?
लढवय्यी विनेश फोगाट या महिला कुस्तीपटूने हरियाणा विधानसभा निवडणूक जिंकली आहे.परंतू राजकारणात येऊन निवडणूक जिंकणारी ती काही देशाची पहिली एथलीट नाही. याआधी देखील खेळाडू निवडणूकीच्या मैदानात उतरुन निवडणूक जिंकले आहेत. चला तर पाहूयात ते कोण-कोण आहेत ?
विनेश फोगाट हीने हरियाणा विधानसभा निवडणूकीत शानदार विजय मिळविला आहे. परंतू ती काही एकमेव राजकारणात येऊन निवडणूक लढविणारी खेळाडू नाही.अनेक ओलंम्पिक गाजविणारे खेळाडू राजकारणात उतरले आहेत.
2004 च्या एथेन्स ओलंम्पिकमध्ये भारतीय हॉकी टीमचे सदस्य असलेल्या हरियाणाचे संदीप सिंह 2019 च्या विधानसभा निवडणूकीत भाजपाच्या तिकीटावर पेहोवा विधानसभा निवडणूक लढले आणि जिंकले आहेत.
एथेन्स ओलंम्पिकचे शुटर राज्यवर्धन सिंह राठोड आधी जयपूर ग्रामीण येथून भाजपाच्या तिकीटावर 2014 ला खासदार झाले.ते 2019 ला निवडून आले नंतर साल 2023 राजस्थान विधानसभा जोतवाडा मतदार संघातून विजयी झाले.
श्रेयसी सिंह या पॅरीस ओलंम्पिक 2024च्या शुटरने साल 2020 मध्ये भाजपाच्या तिकीटावर जमुई विधानसभा निवडणूक जिंकली होती.
खूप आधी भारताचे स्कीट शुटर करणी सिंह यांनी बिकानेर लोकसभा निवडणूक लढवून विजय मिळविला होता. बिकानेर येथून ते पाच वेळा लोकसभा जिंकले. त्यांनी 1960 मध्ये रोम ओलंम्पिक मध्ये भारताचे प्रतिनिधीत्व केले होते.
