इराण अमेरिका युद्धात मोठ्या घडामोडी, थेट तेहरानहून अमेरिकेला जाणार..
इराण आणि अमेरिका युद्धात जग होरपळत आहे. जग तणावात आहे. होर्मुज खाडी इराणकडून बंद करण्यात आली. त्यानंतर आता अमेरिकेनेही होर्मुजमध्ये नाकेबंदी केली. तेहरान संकटात आहे. यादरम्यानच मोठ्या घडामोडी घडताना दिसत आहेत.
इराण आणि अमेरिका युद्धात मोठ्या घडामोडी घडताना दिसत आहेत. पाकिस्तानचे लष्करप्रमुख आसिम मुनीर इराणमध्ये दाखल झाले. यावेळी ते इराणच्या महत्वाच्या अधिकाऱ्यांसोबत चर्चा करत आहेत.
त्यांच्यासोबत पाकिस्तानचे गृहमंत्री मोहसिन नक्वी आहेत. इस्लामाबादमध्ये झालेल्या बैठकीत काहीही निर्णय होऊ शकला नाही. त्यानंतर ते थेट इराणमध्ये दाखल झाले.
अंतिम आणि सर्वाेच्च प्रस्तावाच्या ते अत्यंत जवळ असल्याचे सांगितले जात आहे. दोन आठवड्यांकरिता युद्धबंदीची घोषणा करण्यात आली. इराणने आधीच म्हटले आहे की त्यांना कोणताही नवीन प्रस्ताव मिळालेला नाही.
इराणसोबतच्या चर्चेनंतर पाकिस्तानचे लष्करप्रमुख आसिम मुनीर पाकिस्तानमध्ये न परतता थेट अमेरिकेला जाणार असल्याची माहिती मिळत आहे. व्हाईट हाऊसमध्येही महत्वाची बैठक होईल.
अमेरिका आणि इराण यांच्यातील चर्चेची दुसरीही बैठक पाकिस्तानात होऊ शकते. त्यापूर्वी घडामोडींना प्रचंड वेग आल्याचे बघायला मिळत आहे.
