पाकिस्तानचा भारताविरोधात धक्कादायक निर्णय, पहलगाम हल्ल्यानंतर…तो निर्णय कायम
सध्यातरी या दोन्ही देशांमधील संबंध सुधारण्याची शक्यता नाही. असे असतानाच आता पाकिस्तानने भारताविरोधात मोठा निर्णय घेतलाय. पाकिस्तानी हद्तीतून भारतीय विमानांना प्रवास प्रतिबंधाची मुदत पाकिस्तानने आणखी वाढवली आहे.
पहलगाम हल्ल्यानंतर भारत आणि पाकिस्तानचे संबंध कमालीचे ताणलेले आहे. या दोन्ही देशांमधील व्यापार तसेच इतर व्यवहार पूर्णपणे बंद आहेत. सोबतच या दोन्ही देशांच्या हद्दीतून एकमेकांचे विमानदेखील जात नाही.
सध्यातरी या दोन्ही देशांमधील संबंध सुधारण्याची शक्यता नाही. असे असतानाच आता पाकिस्तानने भारताविरोधात मोठा निर्णय घेतलाय. पाकिस्तानी हद्तीतून भारतीय विमानांना प्रवास प्रतिबंधाची मुदत पाकिस्तानने आणखी वाढवली आहे.
समोर आलेल्या माहितीनुसार पाकिस्तानने भारतीय विमानांसाठी आपल्या हवाई हद्दीत प्रवेशबंदीचा कालावधी आणखी एका महिन्याने वाढवला आहे. 24 नोव्हेंबर 2026 पर्यंत भारतीय विमानांना पाकिस्तानी हवाई हद्दीतून उड्डाण करता येणार नाही.
पाकिस्तान एअरपोर्ट्स अथॉरिटीने (PAA) शनिवारी ‘एक्स’ या सोशल मीडिया प्लॅटफॉर्मवर पोस्ट करून याबाबतची माहिती दिली. पाकिस्तानने घेतलेल्या निर्णयानंतर भारतातील फक्त प्रवासी विमानच नव्हे तर लष्करी विमानांनाही पाकिस्तानी हवाई हद्दीतून जाता येणार नाही.
पाकिस्तानने घेतलेला हा निर्णय 24 नोव्हेंबर 2026 रोजी तेथील वेळेनुसार पहाटे 4 वाजून 59 मिनिटांपर्यंत लागू असेल. त्यानंतर तेव्हाची परिस्थिती लक्षात घेऊन हे निर्बंध कायम ठेवायचे की शिथील करायचे याबाबत निर्णय घेतला जाईल.
