Sameer Wankhede Photo: पहिलं लग्न ते धर्मांतर, खंडणी, अपहरण ते चौकशी… समीर वानखेडेंवरील आरोप आणि प्रत्यारोप!
एनसीबी अधिकारी समीर वानखेडे यांच्यावर आज पुन्हा नवे आरोप करण्यात आले. त्यामुळे त्यांच्यासाठी आजचा दिवस काहीचा त्रासदायकच ठरला.
समीर वानखेडे, एनसीबी अधिकारी
समीर वानखेडे यांच्या व्यक्तिगत आयुष्यावरच आज टीका करण्यात आली. त्यामुळे वानखेडे काहीसे त्रस्त झाले होते.
राष्ट्रवादीचे नेते नवाब मलिक यांनी वानखेडेंवर आज नवा आरोप केला. मलिक यांनी आज ट्विटरवर थेट वानखेडेंचा जन्म दाखला पोस्ट करून फर्जीवाडा इथूनच सुरू झाल्याचं म्हटलं.
पैचान कौन? असं म्हणत मलिक यांनी वानखेडेंचा खूप जुना फोटो ट्विट केला.
त्यानंतर वानखेडे यांच्या पहिल्या लग्नाचा फोटोही वेगाने व्हायरल झाला. त्यांची पहिली पत्नी डॉ. शबाना कुरेशी सोबतचा हा फोटो होता.
वानखेडे यांचा पहिला विवाह झाला होता आणि एका मुस्लिम तरुणीसोबत त्यांचा विवाह झाला होता, असं या फोटोतून कुणाला तरी सूचवायचं होतं. त्यातच मलिक यांनी 'समीर दाऊद वानखेडे' असं ट्विटमध्ये म्हटल्याने तर्कवितर्क लढवले गेले.
समीर वानखेडे यांच्या पहिल्या लग्नाचा फोटो व्हायरल झाल्यानंतर त्यांचा दुसरी पत्नी क्रांती रेडकरसोबतचाही फोटो व्हायरल झाला.
स्वत: क्रांतीने समीर यांच्यासोबतचा विवाहाचा फोटो शेअर केला.
या फोटोत क्रांती पती समीर आणि कुटुंबीयांसोबत दिसत आहे. आम्ही धर्मांतर केलं नसल्याचं तिने ट्विटमध्ये म्हटलं आहे.
समीर वानखेडे, एनसीबी अधिकारी
समीर वानखेडेंच्या धर्मांतरावरून सोशल मीडियात गदारोळ निर्माण झाल्याने वानखेडेंनी आपण धर्मांतर केलं नसल्याचं स्पष्ट केलं.
माझे वडील हिंदू आणि आई मुस्लिम होती. आमच्या प्रायव्हसीत येऊ नका, असं आवाहन वानखेडे यांनी मलिक यांना केलं.
या आधी काल प्रभाकर साई या क्रुझवरील पंचाने वानखेडेंवर गंभीर आरोप केले होते.
आर्यन खानला सोडण्यासाठी 25 कोटीची डील करण्यात येत होती. त्यातील 8 कोटी वानखेडेंना मिळणार होते, असा आरोप प्रभाकर साईलने केला होता.
या आरोपानंतर साईलने आपल्या जीवाला धोका असल्याचं सांगत पोलीस आयुक्तालय गाठलं. यावेळी त्यांनी जीवाला धोका असून संरक्षण देण्याची मागणी केली होती.
साईल यांनी आरोप केल्यानंतर त्याची एनसीबीने दखल घेतली असून वानखेडे यांना दिल्लीला चौकशीसाठी बोलावलं आहे. त्यामुळे वानखेडे यांच्या अडचणी वाढल्याचं सांगितलं जातं.
वानखेडेंवर आरोपांची राळ उडालेली असतानाच ज्येष्ठ वकील कनिष्ठ जयंतही मैदानात आले. कनिष्ठ जयंत यांनी थेट समीर वानखेडेंसह सहा जणांवर अपहरण आणि खंडणी वसुलीचा गुन्हा दाखल करण्याची मागणी केली.
शिवसेना नेते संजय राऊत यांनीही एनसीबीप्रकरणाचे लागेबांधे थेट दिल्लीपर्यंत असल्याचं सांगत या संपूर्ण प्रकरणाची एनसीबीमार्फत चौकशी करण्याची मागणी केली.
ramdas athawale
वानखेडेंवर आरोप होत असतानाच त्यांची बाजू घेणारे ट्विट्सही येऊ लागले. त्यांच्या साधेपणाची चर्चा केली जाऊ लागली. त्यांच्या साधेपणाचे फोटोही व्हायरल झाले. त्यापैकीच हा एक फोटो.
मधल्या काळात वानखेडे यांनी पोलीस आयुक्तांना भेटून त्यांच्यावर कुणीतरी पाळत ठेवत असल्याचं सांगितलं होतं.
क्रुझ रेडवरील पंच केपी गोसावीला पुणे पोलिसांनी ताब्यात घेतलंय.
