टॉवेल वापताना कोणती काळजी घ्याल, किती वेळा स्वच्छ पाण्यात धुवाल…
आपण प्रत्येक जण टॉवेल वापरतो, पण टॉवेल वापरताना काही नियम पाळणं गरजेचं आहे. बरेच लोक टॉवेल घाणेरडे, दुर्गंधीयुक्त आणि त्यावर स्पष्ट दिसणारे डाग पडेपर्यंत ते धूत नाहीत. पण असे करणे ही एक खूप मोठी चूक आहे. टॉवेल वापरताना काही गोष्टींची काळजी घेणं गरजेचं आहे.
जुन्या टॉवेलच्या वारंवार वापरामुळे किंवा अनेक दिवस न धुवता तोच टॉवेल वापरल्यामुळे तुमच्या चेहऱ्यावर मुरुमे येण्याचा आणि शरीराच्या इतर भागांवर फोड, जंतुसंसर्ग व खाज येण्याचा धोका लक्षणीयरीत्या वाढू शकतो.
न धुतलेल्या किंवा जुन्या टॉवेलमधून एक विचित्र आणि दुर्गंध येतो. यामुळे ॲलर्जी किंवा शिंका येऊ शकतात. कालांतराने, टॉवेलचे धागे कडक होतात. यामुळे त्याची पाणी शोषण्याची क्षमता कमी होते.
अनेकांना हे देखील माहित नसते की त्यांनी आपले टॉवेल किती काळ वापरावेत आणि ते किती वेळा वापरता येतात. तज्ज्ञांच्या मते, टॉवेल जास्तीत जास्त 3 ते 4 वेळा वापरल्यानंतर धुतले पाहिजेत.
प्रत्येक वापरानंतर टॉवेल मोकळ्या हवेत किंवा उन्हात वाळवावेत. ओला टॉवेल कधीही घडी घालू नका. यामुळे त्याच्यावर बॅक्टेरीया बसतील, आणि ओला टॉवेल ठेवण्याने वास देखली येईल.
आठवड्यातून किमान एकदा टॉवेल गरम पाण्याने आणि चांगल्या डिटर्जंटने धुणे महत्त्वाचे आहे. असे केल्याने टॉवेलमधील बुरशी आणि जीवाणूंची संख्या वाढते. तसेच, असे केल्याने शरीराला होणाऱ्या संसर्गाचा धोकाही टळतो.
