शिवसेनेची ‘स्नॅक्स डिप्लोमसी’; गुजराती मतांसाठी मेळाव्यात वडापाव-जिलेबी, फाफडाची फोडणी!
शिवसेनेने गुजराती भाषिक मतदारांना आपल्याकडे ओढण्यासाठी खास मोहीम सुरू केलेली आहे. (Shivsena Gujarati Melava In Mumbai)
येत्या मुंबई महापालिका निवडणुका लक्षात घेता शिवसेनेने गुजराती भाषिक मतदारांना आपल्याकडे ओढण्यासाठी खास मोहीम सुरू केलेली आहे.
‘मुंबई मा जलेबी ने फाफडा, उद्धव ठाकरे आपडा’ म्हणत शिवसेनेकडून गुजराती समाजासाठी मेळाव्याचं आयोजन करण्यात आलं होतं.
अंधेरी-ओशिवरा या ठिकाणच्या गुजरात भवनातील नवनीत हॉलमध्ये हा मेळावा पार पडला. या मेळाव्यात 100 गुजराती व्यापारी उपस्थित होते.
यावेळी 11 गुजराती उद्योगपतींनी शिवसेनेचे राष्ट्रीय संघटक हेमराज शाह यांच्या उपस्थितीत शिवसेनेत पक्ष प्रवेश केला.
या मेळाव्यात मराठी भाषिकांची खासियत वडापाव आणि गुजराती भाषिकांची स्पेशल डिश जिलेबी फाफडा या दोन्ही पदार्थांची सांगड घालण्यात आली होती.
या मेळाव्यात उपस्थित असलेल्या सर्वांना वडापाव, फाफडा, जिलेबी, बटाट्याची भाजी, शेव हे पदार्थ खाण्यासाठी देण्यात आले.
यावरुन मुंबईत मराठी माणूस आणि गुजराती माणूस एकत्र आहेत, हे दाखवण्याच्या प्रयत्न करण्यात आला आहे.
मुंबईतील 50 ते 55 वॉर्डमध्ये गुजराती भाषिकांची संख्या जास्त आहे.
मुंबईत एकूण 227 वॉर्ड पैकी 50 ते 55 वॉर्डमध्ये गुजराती मतदारांची जर ही ताकद वाढवली तर शिवसेनेसाठी ती जमेची बाजू ठरेल.
त्या पार्श्वभूमीवर शिवसेना संघटक हेमराज शहा यांच्या अध्यक्षतेखाली या कार्यक्रमाचे आयोजन करण्यात आलं होतं.
