Joe Root : जो रूटने मोडला ब्रायन लाराचा मोठा विश्वविक्रम, केली अशी कामगिरी
इंग्लंडकडून कसोटी क्रिकेटमध्ये 11,000 धावा करणारा जो रूट हा दुसरा फलंदाज आहे. याआधी इंग्लंडचा माजी कर्णधार अॅलिस्टर कुकने ही कामगिरी केली होती.
इंग्लंडचा फलंदाज जो रूटने लंडनमधील लॉर्ड्स मैदानावर आयर्लंडविरुद्धच्या कसोटी सामन्यात अर्धशतक ठोकून नवा विश्वविक्रम रचला. क्रिकेट दिग्गज ब्रायन लाराचा विक्रम मोडीत काढला आहे.
या सामन्यात चौथ्या क्रमांकावर आलेल्या जो रूटने 59 चेंडूत 1 षटकार आणि 4 चौकारांसह 56 धावा केल्या. या अर्धशतकासह रूटने कसोटी क्रिकेटमध्ये 11 हजार धावा पूर्ण केल्या.
कसोटी क्रिकेटमध्ये सर्वात कमी सामन्यांमध्ये 11,000 धावा करण्याचा विश्वविक्रम जो रूटच्या नावावर आहे. यापूर्वी हा विक्रम ब्रायन लाराच्या नावावर होता.
वेस्ट इंडिजचा माजी खेळाडू ब्रायन लाराने 131 सामन्यांमध्ये 11 हजार धावा पूर्ण केल्या होत्या. त्याचप्रमाणे श्रीलंकेच्या कुमार संगकाराने 134 सामन्यांमध्ये ही कामगिरी केली होती.
130 सामन्यांतून जो रूटने 11 हजार धावा जमा करून नवा विश्वविक्रम रचला आहे. याद्वारे त्याने गेल्या दशकापासून लाराच्या नावावर असलेला विशेष विक्रम मोडला आहे.
इंग्लंडकडून कसोटी क्रिकेटमध्ये 11,000 धावा करणारा जो रूट हा दुसरा फलंदाज आहे. याआधी इंग्लंडचा माजी कर्णधार अॅलिस्टर कुकने (12472) ही कामगिरी केली होती.
जो रूट (11004) कसोटी धावा करणाऱ्या खेळाडूंच्या यादीत 11 व्या स्थानावर आहे, तर सचिन तेंडुलकर 15921 धावांसह अव्वल स्थानावर आहे.
