PV Sindhu ने अकाने यामागुचीला नमवत जापान ओपनचं जेतेपद पटकावलं, अशी कामगिरी करणारी पहिली भारतीय
भारताच्या स्टार बॅडमिंटनपटू पीव्ही सिंधुने ऐतिहासिक कामगिरी करत जापान ओपनचं जेतेपद पटकावलं आहे. तिने अंतिम सामन्यात जापानच्या अकाने यामागुची हिचा पराभव केला. हा सामना 21-17, 21-17 ने जिंकला.
भारताची स्टार बॅडमिंटनपटू पीव्ही सिंधूने जापान ओपनचे विजेतेपद पटकावले आहे. जापान ओपन बॅडमिंटन स्पर्धा जिंकणारी पहिली भारतीय खेळाडू म्हणून तिला मान मिळाला आहे. (Photo: PV Sindhu Twitter)
महिला एकेरीच्या अंतिम सामन्यात तिने कट्टर प्रतिस्पर्धी असलेल्या जापानच्या अकाने यामागुचीचा 21-17, 21-17 अशा सरळ गेम्समध्ये पराभव केला.(Photo: PV Sindhu Twitter)
बॅडमिंटन कोर्टवर या दोन खेळाडूंमधील ही 30वी लढत होती. यात पीव्ही सिंधुने बाजी मारली. त्यामुळे या दोघांमधील लढतीत पीव्ही सिंधूने 16-14 अशी आघाडी घेतली आहे. म्हणजे पीव्ही सिंधुने 16 सामने जिंकले आहेत.(Photo: PV Sindhu Twitter)
पीव्ही सिंधुने 2024 मध्ये सय्यद मोदी स्पर्धा जिंकल्यानंतर बॅडमिंटन कोर्टवरील हे तिचे पहिले वर्ल्ड टूर विजेतेपद आहे. चार वर्षांनंतर भारताबाहेर जिंकलेले हे तिचे पहिले मोठे बॅडमिंटन विजेतेपद आहे. पीव्ही सिंधूने शेवटचे 2022 मध्ये सिंगापूर ओपन जिंकले होते.(Photo: PV Sindhu Twitter)
पीव्ही सिंधूची जागतिक क्रमवारी 18व्या क्रमांकावर घसरली होती. मात्र तिच्या दमदार कामगिरीमुळे तिने पुन्हा अव्वल 10 मध्ये स्थान मिळवले असून ती आता जागतिक क्रमवारीत 9व्या क्रमांकावर आहे. (Photo: PV Sindhu Twitter)
