हृता दुर्गुळेचा थायलँडमध्ये ‘टाईमपास’; फोटो पाहिलेत का?
अभिनेत्री हृता दुर्गुळे पती प्रतीक शाहसोबत थायलँडमध्ये सुट्ट्यांचा आनंद घेतेय. हृताने तिच्या इन्स्टाग्राम अकाऊंटवर थायलँड व्हेकेशनचे फोटो पोस्ट केले आहेत.
अभिनेत्री हृता दुर्गुळे पती प्रतीक शाहसोबत थायलँडमध्ये सुट्ट्यांचा आनंद घेतेय. हृताने तिच्या इन्स्टाग्राम अकाऊंटवर थायलँड व्हेकेशनचे फोटो पोस्ट केले आहेत. या फोटोंमध्ये हृताचा अनोखा अंदाज पहायला मिळतोय.
थायलँडमधील फि-फि आयलँडवर हृताने खास फोटोशूट केलं. फुकेत आणि थायलँडमधील निसर्गरम्य दृश्यदेखील या फोटोंमध्ये पहायला मिळतंय.
काही दिवसांपूर्वी हृता आणि प्रतीक इस्तांबूलला हनिमूनला गेले होते. तेव्हाचेही तिचे फोटो सोशल मीडियावर व्हायरल झाले होते.
18 मे रोजी या दोघांनी लग्नगाठ बांधली. लग्नापूर्वी हृता आणि प्रतीक एकमेकांना काही वर्षे डेट करत होते. एका कार्यक्रमात हृताची पहिल्यांदा ओळख प्रतीकशी झाली आणि पहिल्याच भेटीत दोघांमध्ये चांगली मैत्री झाली. हळूहळू या मैत्रीचं रुपांतर प्रेमात झालं.
गेल्या वर्षी प्रतीकसोबतचा रोमँटिक फोटो पोस्ट करत हृताने नात्याची जाहीर कबुली दिली होती. गेल्या वर्षी डिसेंबर महिन्यात दोघांचा साखरपुडा पार पडला.
हृताने मन उडु उडु झालं या मालिकेत भूमिका साकारली होती. ती नुकतीच टाइमपास 2 या चित्रपटात झळकली. या चित्रपटाला बॉक्स ऑफिसवर चांगलं यश मिळालं.
