या आयुर्वेदिक उपायांनी मुलांच्या बद्धकोष्ठतेचा त्रास होईल दूर
आजकाल मुलांना हेल्दी पदार्थ खायला घालणे हे काही सोपं काम नाही. त्यांना चटकमटक, बाहेरचे चमचमीत पदार्थ खायला जास्त आवडतात. मात्र अशा पदार्थांमध्ये फायबर कमी असल्याने ते पदार्थ खाल्याने त्यांना कॉन्स्टिपेशन म्हणजेच बद्धकोष्ठतेचा त्रास होतो. अनेक दिवस पोट साफ न होण्याची समस्या दूर करण्यासाठी हे आयुर्वेदिक उपाय करू शकता.
दूध आणि तूप : मुलांना वारंवार बद्धकोष्ठतेचा त्रास होत असेल तर त्यांना कोमट दुधात तूप टाकून प्यायला द्यावे. ही एक आयुर्वेदिक रेसिपी आहे, जी रात्री झोपण्यापूर्वी अवलंबवू शकता. हे केल्याने काही दिवसात फरक दिसून येईल.
मनुका : मुलांना बरेच दिवस बद्धकोष्ठतेचा त्रास होत असेल तर त्यांचे पोट साफ करण्यासाठी तुम्ही मनुकांचा वापर करू शकता. मुलांना रोज भिजवलेल्या मनुका खायला द्याव्यात. त्यामध्ये असलेल्या तत्वांमुळे लवकर आराम मिळतो.
अंजीर : शरीरात ऊर्जा टिकवून ठेवण्यासाठी अंजीर खाणे उपयुक्त ठरते. जर एखाद्या मुलाला बद्धकोष्ठतेचा त्रास होत असेल तर त्याला दररोज रात्री अंजीर भिजवून तो सकाळी खायला द्यावा.
त्रिफळा ठरतो फायदेशीर : हे आयुर्वेदिक औषध आहे कारण ते औषधी वनस्पतींपासून तयार केले जाते. त्याच्या औषधी गुणांमुळे पोट सहज साफ होते. रात्री झोपण्यापूर्वी मुलांना कोमट पाण्यासोबत त्रिफळा देऊ शकता.
