थंड हवेमुळे डोकं दुखल्यास करा ‘हे’ घरगुती उपाय
थंडीच्या दिवसात गार वाऱ्यामुळे आरोग्याच्या अनेक समस्या उद्भवतात. काही लोकांचं तर डोकं दुखू लागतं. वातावरणातील बदलामुळे हा त्रास होतो. काही घरगुती उपायांच्या मदतीने डोकेदुखीचा हा त्रास कमी करता येऊ शकतो.
जर थंडीत तुमचंही डोक दुखत असेल तर दररोज हळद घातलेले दूध प्यावे. यामुळे शरीरात उष्णता तर निर्माण होतेच पण त्यासह शरीराची रोगप्रतिकारशक्तीही वाढते.
तुम्ही हर्बल टीसुद्धा पिऊ शकता. आयुर्वेदानुसार थंडीच्या दिवसांत तुळस आणि आलं घातलेला ब्लॅक टी पिणे हे लाभदायक ठरते. यामुळे शरीराला इतरही अनेक फायदे मिळतात.
हिवाळ्यात तुम्ही लवंग, वेलची, काळी मिरी, अश्वगंधा आणि इतर औषधी वनस्पती घालून तयार केलेला काढाही पिऊ शकता. मात्र हा ठराविक प्रमाणातच प्यावा.
शरीरात व्हिटॅमिन्सच्या कमतरतेमुळेही डोकेदुखीचा त्रास होऊ शकतो. व्हिटॅमिन डी हे अतिशय आवश्यक असून त्याचे सेवन नेहमी केले पाहिजे. कोवळ्या उन्हात बसून किंवा दूध आणि केळ्याच्या सेवनानेही तुम्ही या व्हिटॅमिनची कमतरता दूर करू शकता.
