Railway Stock: दोन दिग्गज रेल्वे कंपन्या होणार एक, रॉकेटसिंग झाला शेअर, अपडेट वाचली का?
IRCON And RVNL Stock: या दोन रेल्वे कंपन्या एकत्र येण्याच्या हालचाली वाढल्याने इरकॉन इंटरनॅशनलचा शेअर 12 टक्के उसळला. तर रेल्वे विकास निगमचा शेअर 7 टक्क्यांनी वधारला. या दोन्ही कंपन्याचे शेअर सध्या तेजीत आले आहे.
Railway Stock: रेल्वे कंपनी इरकॉन इंटरनॅशनल आणि रेल्वे विकास निगम लिमिटेडचा शेअर शुक्रवारी बुलेट ट्रेनसारखा पळाला. इरकॉन इंटरनॅशनलचा शेअर शुक्रवारी 12 टक्क्यांनी पळाला. तर रेल्वे विकास निगम लिमिटेडचा शेअर 7 टक्क्यांची तेजी दिसून आली.
या दोन्ही रेल्वे कंपन्यांच्या एकत्रिकरणाची चर्चा जोरात आहे. या दोन्ही कंपन्या एकत्र करण्याच्या प्रस्तावावर चर्चा सुरू असल्याचे म्हटले जात आहे. त्यामुळे गुंतवणूकदार आनंदून गेले. इरकॉन इंटरनॅशनल आणि रेल्वे विकास निगम लिमिटेड या दोन्ही नवरत्न कंपन्या आहेत.
इरकॉन इंटरनॅशनलचा शेअर शुक्रवारी बीएसईवर 12 टक्क्यांनी उसळून 150.15 रुपयांवर पोहचला. गेल्या पाच वर्षात या शेअर्समध्ये 230 टक्क्यांहून अधिकची तेजी दिसून आली. नवरत्न कंपनी रेल्वे विकास निगम लिमिटेडचा शेअर शुक्रवारी तेजीत आला.
RVNL चा शेअर शुक्रवारी तेजीत होता. शुक्रवारी त्यात 7 टक्क्यांच्या उसळीसह 298.55 रुपयांवर पोहचला. गेल्या 5 वर्षांत हा शेअर 820 टक्क्यांनी तुफान धावला. त्यामुळे गुंतवणूकदार मालामाल झाले.
रेल्वे मंत्रालयाने RVNL,IRCON या कंपन्यांच्या विलिनीकरणाच्या प्रस्तावावर चर्चा केल्याचे समजते. याविषयीच्या प्रस्तावासाठी वित्त खाते, सार्वजनिक कंपन्यांविषयीचे खाते आणि अर्थविषयक कॅबिनेट समितीच्या मंजुरीची गरज पडणार आहे
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
