Photo ! उर्मिला मातोंडकर: ‘रंगीला गर्ल’ ते राजकारणी
अभिनेत्री उर्मिला मातोंडकर राजकारणातील सेकंड इनिंग सुरू करणार आहे. शिवसेनेने दिलेला विधान परिषदेचा प्रस्ताव त्यांनी स्वीकारल्याची माहिती आहे.
बॉलिवूडमधील गुणी अभिनेत्री म्हणून उर्मिला मातोंडकर सर्व परिचित आहे. शिवाय राजकीय आणि सामाजिक बैठक पक्की असलेल्या काही कलावंतांपैकी ती एक आहे.
त्यांचं शालेय शिक्षण मुंबईत तर पदवी शिक्षण पुण्यात झालं आहे. त्यांनी तत्वज्ञान विषयातून बीएची पदवी घेतली आहे.
बालकलाकार म्हणून मोठ्या पडद्यावर आलेल्या उर्मिला यांनी 80च्या दशकात 'कलयुग' सिनेमातून खऱ्या अर्थाने बॉलिवूडमध्ये पदार्पण केलं. 1980 ते 2004 पर्यंत त्यांनी बॉलिवूडमध्ये दबदबा निर्माण केला.
'नरसिम्हा', 'जुदाई', 'रंगीला', 'सत्या', 'भूत', 'एक हसीना थी', 'नैना', 'मैने गाँधी कोई नहीं मारा' आणि 'चमत्कार' आदी सिनेमांमधून त्यांनी आपल्या अभिनयाची अमिट छाप सोडली. त्यांचा 'रंगीला' हा सिनेमा सुपरडूपर हिट ठरला होता. त्यामुळे त्यांची 'रंगीला गर्ल' अशी ओळख निर्माण झाली होती.
बॉलिवूडची 'रंगीला गर्ल' आणि प्रसिद्ध अभिनेत्री उर्मिला मातोंडकर यांनी आज‘मातोश्री’वर शिवसेनेत अधिकृत पक्षप्रवेश केला.
त्यांचे वडील श्रीकांत मातोंडकर हे ग्रीन्डलेज बँकेत काम करत होते. मातोंडकर यांचा मोठा भाऊ केदार इंडियन एअरफोर्समध्ये आहे. त्यांचे वडील 'राष्ट्रसेवा दला'शी संबंधित होते. त्यांनी आणीबाणीच्या विरोधात भूमिकाही घेतली होती.
राजकीय पार्श्वभूमी असलेल्या कुटुंबातून आलेल्या उर्मिला यांनी 2019मध्ये सक्रिय राजकारणात भाग घेतला. काँग्रेसमध्ये प्रवेश केल्यानंतर त्यांनी दक्षिण मुंबईतून लोकसभा निवडणूक लढवली. त्यात त्यांना अपयश आलं. पण त्यांनी आपल्या राजकीय समज आणि भाषणांनी संपूर्ण देशाचं लक्ष आपल्याकडे वेधून घेतलं होतं.
पक्षांतर्गत गटबाजीमुळे त्यांनी काँग्रेसला सोडचिठ्ठी दिली होती. त्यानंतर आता शिवसेनेने त्यांना विधान परिषदेची ऑफर दिल्याने उर्मिला यांची नवी राजकीय इनिंग सुरू होणार आहे.